ஈரோடு  மாவட்டம், சிவகிரி அருகே விளக்கேத்தி மேகரையன் தோட்டத்தில் வசித்து வந்த தம்பதி  ராமசாமி  மற்றும் பாக்கியம் இவர்கள் இருவரும்  ஏப்ரல் 28 அன்று தங்கள் தோட்டத்து வீட்டில் கொலை செய்யப்பட்டனர். இந்தக் கொலை வழக்கில் 10.75 சவரன் தங்க நகைகள் கொள்ளையடிக்கப்பட்டன. இவ்வழக்கு  மாவட்ட காவல் கண்காணிப்பாளர் தலைமையில் 12 சிறப்பு குழுக்கள் அமைக்கப்பட்டு, 600-க்கும் மேற்பட்ட காவலர்கள் மூலம் தீவிர விசாரணை மேற்கொள்ளப்பட்டு வந்தது.  

முதல்கட்ட விசாரணையில், சிசிடிவி காட்சிகள் மற்றும் செல்போன் உரையாடல்களின் அடிப்படையில், ஆரச்சலூரைச் சேர்ந்த பி. ஆச்சியப்பன் (வயது 48), என். மதேஸ்வரன் (வயது 52), ஆர். ரமேஷ் (வயது 54) மற்றும் சென்னிமலை பாளையத்தைச் சேர்ந்த நகைக்கடை உரிமையாளர் ஞானசேகரன் ஆகிய நால்வர் கைது செய்யப்பட்டனர்.கைது செய்யப்பட்ட மூவர், முதிய தம்பதியைக் கொலை செய்து நகைகளை திருடியதாகவும், அந்த நகைகளை ஞானசேகரனிடம் கொடுத்து உருக்கி மாற்றியதாகவும் வாக்குமூலம் அளித்தனர். இந்த மூவர் கொலை வழக்கு ஏற்கனவே சிபிசிஐடி விசாரணையில் உள்ளது. எனவே, சிவகிரி முதிய தம்பதி கொலை வழக்கையும் சிபிசிஐடிக்கு மாற்றி, தமிழ்நாடு காவல்துறை இயக்குநர் (டிஜிபி) சங்கர் ஜிவால் உத்தரவிட்டார்.

அதன்படி இந்த வழக்கு மேற்கு மண்டல காவல் துறை ஆய்வாளர் டி. செந்தில்குமார் மற்றும் கோவை மண்டல துணை ஆய்வாளர் வி. சசிமோகன் ஆகியோரின் மேற்பார்வையில் விசாரிக்கப்படும் என அறிவிக்கப்பட்டுள்ளது.  கைது செய்யப்பட்ட நால்வரையும் கோடுமுடி நீதிமன்றத்தில் ஆஜர்படுத்தி, ஜூன் 13 முதல் 3 நாட்கள் காவல் விசாரணைக்கு எடுக்கப்பட்டனர். பின்னர், ஜூன் 16ம் தேதி  மேலும் மூன்று நாட்கள் காவல் நீட்டிக்கப்பட்டது. ஜூன் 18ம் தேதி  ஆச்சியப்பன், மதேஸ்வரன், ரமேஷ்  மூவரும்  கைது செய்யப்பட்டு, கோவை மத்திய சிறையில் அடைக்கப்பட்டனர்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?