உலகப் பெரும் பணக்காரர்களில் ஒருவரான எலான் மஸ்க், “அமெரிக்கா கட்சி”   என்ற புதிய அரசியல் கட்சியைத் தொடங்குவதாக அறிவித்துள்ளது. இதையடுத்து, அவரது டெஸ்லா நிறுவனத்தின் பங்குகள் 7.6% வரை சரிந்தன. இதனால், டெஸ்லாவின் சந்தை மூலதனத்தில் 68 பில்லியன் டாலர் இழப்பு ஏற்பட்டது. இந்த சரிவு, எலான் மஸ்க்கின் தனிப்பட்ட சொத்து மதிப்பில் 15.3 பில்லியன் டாலர் குறைவை ஏற்படுத்தியது. அவரது மொத்த சொத்து மதிப்பு சுமார் 400 பில்லியன் டாலராக இருந்தாலும், இது குறிப்பிடத்தக்க இழப்பாக உள்ளது.

எலான் மஸ்க், அமெரிக்க அதிபர்   ட்ரம்ப்புடனான பகிரங்க மோதலைத் தொடர்ந்து இந்த அரசியல் கட்சியை அறிவித்தார். ட்ரம்ப்பின் “One Big Beautiful Bill Act” (OBBBA) என்ற வரி குறைப்பு மற்றும் செலவு மசோதாவை கடுமையாக விமர்சித்த மஸ்க், இது அமெரிக்காவை கடனில் ஆழ்த்தும் எனக் கூறி, “அமெரிக்கர்களுக்கு சுதந்திரத்தை மீட்டெடுக்க” இந்த புதிய கட்சியை உருவாக்குவதாக X தளத்தில் அறிவித்துள்ளார்.  

இந்த அறிவிப்பு, ட்ரம்ப்புடனான மஸ்க்கின் மோதலை மேலும் தீவிரப்படுத்தியது. ட்ரம்ப், மஸ்க்கின் இந்த முடிவை “பைத்தியக்காரத்தனமானது” என விமர்சித்துள்ளார்.  “கடந்த ஐந்து வாரங்களாக முற்றிலும் தடம்புரண்டு விட்டார்” என Truth Social தளத்தில் பதிவிட்டார். இந்த மோதல், டெஸ்லாவின் பங்கு மதிப்பில் பெரும் தாக்கத்தை ஏற்படுத்தியது. மேலும் முதலீட்டாளர்கள் மஸ்க்கின் அரசியல் ஈடுபாடு குறித்து கவலை தெரிவித்துள்ளனர்.
டெஸ்லாவின் பங்கு சரிவு, நிறுவனத்தின் 2025 இரண்டாம் காலாண்டில் 13-14% வாகன விற்பனை குறைவு மற்றும் மஸ்க்கின் அரசியல் செயல்பாடுகளால் ஏற்பட்ட நுகர்வோர் எதிர்ப்பு ஆகியவற்றால் மேலும் மோசமடைந்தது. முதலீட்டாளர்கள், மஸ்க் தனது கவனத்தை டெஸ்லாவின் வளர்ச்சியில் செலுத்த வேண்டும் என விரும்புவதாகவும், அவரது அரசியல் முயற்சிகள் நிறுவனத்துக்கு தீங்கு விளைவிப்பதாகவும் ஆய்வாளர்கள் கூறுகின்றனர்.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?