• धाराशिवच्या भूम तालुक्यात पवनचक्की कंपनीवर तलवारी व शस्त्रांनी हल्ला झाला.

• कर्मचाऱ्यांना मारहाण करत वाहनांची तोडफोड करण्यात आली.

• रोहित पवारांनी एक्सवर ट्वीट करत सरकारवर गंभीर आरोप केले.

• ‘नवा आका कोण?’ असा सवाल करत गृहखात्याच्या भूमिकेवरही प्रश्न उपस्थित केला.

धाराशिवमधील पवनचक्की कंपनीत झालेल्या तोडफोडीच्या घटनेनंतर रोहित पवार संतापले आहेत. खंडणीसाठी धाराशिवच्या भूम तालुक्यात पवनचक्की माफीयांचा धुमाकूळ घालत आहेत. तलवारी, लोखंडी साखळ्या, धारदार शस्त्रांनी पवनचक्की कंपनीतील वाहनांची तोडफोड केली होती. कंपनीच्या कर्मचाऱ्यांना बेदम मारहाण करण्यात आल्याची घटना काही दिवसापूर्वी समोर आली होती. त्यावरून शरद पवार गटाचे आमदार रोहित पवारयांनी सरकारला धाराशिवमधील नवा आका कोण? असा सवाल केलाय. ( Rohit Pawar Questions Dharashiv Windmill Mafia Violence: Who Is The New 'aaka'?)

बीड आणि सांगलीनंतर धाराशिवमध्ये तयार होणारा हा तिसरा आका कोण? असा संतप्त सवाल रोहित पवारांनी तोडफोडीच्या घटनेनंतर केलाय. रोहित पवार यांनी एक्स या सोशल माीडिया प्लॅटफॉर्मवर ट्वीट करत सरकारलाजाब विचारलाय. महाराष्ट्रात राजकीय आश्रय मिळत असल्याने आकांची साखळी तयार होत असल्याचा आरोपही त्यांनी केलाय. महाराष्ट्राचा गृहखातं या आकाच्या मुसक्या का आवळत नाही? असा सवाल रोहित पवार यांनी X माध्यमावर ट्विट करत केलाय.

'महाराष्ट्रात राजकीय आश्रय मिळत असल्याने आकांची साखळी तयार होतेय.पूर्वी पुण्यात दहशत माजवणाऱ्या एका आकाने पोलिसांच्या नाकावर टिच्चून थेट धाराशीवपर्यंत मजल मारलीय.त्याच्या टोळीने धाराशीवमध्ये पवनचक्की कंपनीच्या गाड्यांची तोडफोड करून धुमाकूळ घातलाय.कर्मचाऱ्यांना बेदम मारहाण करत दहशत माजवलीय.

त्याच्या दहशतीमुळं कुणी तक्रार करायलाही पुढं येत नाहीये. बीड आणि सांगलीनंतर आता धाराशीवमध्ये तयार होणारा तिसरा आका कोण? या आकाचा आका कोण? आणि गृहखातं या आकाच्या मुसक्या का आवळत नाही? असा सवाल त्यांनी ट्विटमधून केलाय.