टीम इंडियाचा ऑलराउंडर रवींद्र जडेजा याने वॉशिंग्टन सुंदर याच्यासह नाबाद द्विशतकी भागीदारी करत मँचेस्टरमधील चौथा कसोटी सामना अनिर्णित राखण्यात निर्णायक भूमिका बजावली. जडेजाने या दरम्यान इंग्लंड दौऱ्यात अनेक दिवसांची प्रतिक्षा संपवत ऐतिहासक शतक झळकावलं. जडेजाचं ऐतिहासिक लॉर्ड्स क्रिकेट ग्राउंडमध्ये झालेल्या तिसऱ्या सामन्यात शतक हुकलं होतं. मात्र जडेजाने मँचेस्टरमध्ये ही भरपाई केली आणि शेकडा पूर्ण केला. जडेजाच्या कसोटी कारकीर्दीतील हे पाचवं शतक ठरंलं. जडेजा यासह इंग्लंड दौऱ्यात शतक करणारा पाचवा भारतीय फलंदाज ठरला.