இன்று ஜூலை 31ம் தேதி தமிழ்நாடு முதல்வர்  ஸ்டாலின் காணொலி மூலம் , தூத்துக்குடி  மாவட்டத்தில், சிப்காட்-சில்லாநத்தம் தொழிற்பூங்காவில் அமைந்துள்ள வின்ஃபாஸ்ட் மின்சார வாகன உற்பத்தி ஆலையை திறந்து வைக்க உள்ளார். வியட்நாம் நாட்டைச் சேர்ந்த வின்ஃபாஸ்ட் ஆட்டோ லிமிடெட் நிறுவனம் இந்த ஆலையை அமைத்துள்ளது.இது இந்தியாவில் அவர்களின் முதல் உற்பத்தி ஆலையாகும். 

முதற்கட்டமாக, ஆண்டுக்கு 50,000 மின்சார வாகனங்களை உற்பத்தி செய்யும் திறனுடன் 114 ஏக்கர் நிலத்தில் ரூ.1,120 கோடி முதலீட்டில் இந்த ஆலை அமைக்கப்பட்டுள்ளது.இந்த ஆலையில் உற்பத்தி செய்யப்பட உள்ள வி.எஃப்.6 மற்றும் வி.எஃப்.7 மாடல் மின்சார கார்களுக்கு ஏற்கனவே முன்பதிவு தொடங்கப்பட்டுள்ளது.

இந்த தொழிற்சாலை, தென் தமிழ்நாட்டின் தொழில் வளர்ச்சியில் ஒரு முக்கிய மைல்கல்லாக கருதப்படுகிறது.  முதற்கட்டமாக, இந்த ஆலை 3,500 பேருக்கு வேலைவாய்ப்பை வழங்கும் என்று எதிர்பார்க்கப்படுகிறது, இது உள்ளூர் பொருளாதாரத்திற்கு பெரும் உதவியாக இருக்கும். ‘நான் முதல்வன்’ திட்டத்தின் கீழ், இந்த ஆலையில் பணியாற்றுவதற்காக தூத்துக்குடி பகுதியைச் சேர்ந்த 200 இளைஞர்கள் ஏற்கனவே தேர்வு செய்யப்பட்டுள்ளனர். இவர்கள் அரசு பாலிடெக்னிக் மற்றும் ஐடிஐ கல்லூரிகளில் படித்தவர்கள் .  

இந்த திட்டம், தமிழ்நாட்டில் இளைஞர்களுக்கு திறன் மேம்பாட்டு பயிற்சி மற்றும் வேலைவாய்ப்பு வழங்குவதை நோக்கமாகக் கொண்டு  மு.க.ஸ்டாலின் தொடங்கிய ஒரு முக்கிய முயற்சியாக பார்க்கப்படுகிறது.  இந்த 200 இளைஞர்களின் தேர்வு, உள்ளூர் இளைஞர்களுக்கு முன்னுரிமை அளித்து, அவர்களின் திறனைப் பயன்படுத்துவதற்கு ஒரு எடுத்துக்காட்டாக அமைந்துள்ளது.

2024ம் ஆண்டு உலக முதலீட்டாளர்கள் மாநாட்டில் இந்த ஆலைக்கான புரிந்துணர்வு ஒப்பந்தம் கையெழுத்தானது. அதனைத் தொடர்ந்து, 2024 பிப்ரவரி 25 ம் தேதி  ஸ்டாலின் இந்த ஆலைக்கு அடிக்கல் நாட்டினார். இந்தியாவில் எந்தவொரு வெளிநாட்டு வாகன உற்பத்தி நிறுவனத்திற்கும் இவ்வளவு விரைவாக ஆலை அமைக்கப்பட்டது இதுவே முதல் முறையாகும். இந்த வேகமான முன்னேற்றம், தமிழ்நாடு அரசின் தொழில் முதலீட்டு ஊக்குவிப்பு முயற்சிகளுக்கு ஒரு சான்றாக அமைந்துள்ளது.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

நாப்கின்களால் ஏற்படும் ரேசஸ் மற்றும் எரிச்சலை போக்க இயற்கை வழிகள்!!

உங்க நட்சத்திரத்துக்கு லாபம் தரும் துறை எது?