பிரபல தொலைக்காட்சி தொடரான பாக்கியலட்சுமி சீரியலின் மூலம் ரசிகர்களிடம் தனித்த அடையாளம் பெற்றவர் கம்பம் மீனா. தற்போது அவர் தனது வாழ்க்கையில் சந்தித்த கஷ்டங்களை மனம் திறந்து பேட்டி ஒன்றில் பகிர்ந்திருப்பது அனைவரையும் ஆழமாகத் தொடுகிறது.

சில சீரியல்களில் நடித்திருந்தாலும், பாக்கியலட்சுமி சீரியல் தான் மீனாவுக்கு உண்மையான புகழை பெற்றுத்தந்தது. குடும்ப பெண்கள் எதிர்கொள்ளும் சிரமங்களை மையமாகக் கொண்டு 6 ஆண்டுகள் ஒளிபரப்பான இந்த தொடர், ரசிகர்களிடம் பெரிய வரவேற்பைப் பெற்றது. அதில் பாக்கியாவின் பக்க கதாபாத்திரமாக நடித்த செல்வி, மகனை இனியாவுக்கு திருமணம் செய்து வைத்த காட்சி பார்வையாளர்களின் கவனத்தை ஈர்த்தது.

மீனா தனது தனிப்பட்ட வாழ்க்கையைப் பற்றி பகிர்ந்து கொண்டபோது, “15 வயதில் மாமன் மகனை திருமணம் செய்தேன். ஆனால் அந்த வாழ்க்கை நீண்ட நாள் நீடிக்கவில்லை. அவர் வேறு பெண்ணை திருமணம் செய்தார், குழந்தைகளும் உள்ளனர். இந்த சம்பவம் என்னுடைய அம்மாவுக்கு பெரும் அதிர்ச்சியை ஏற்படுத்தி, கேன்சர் நோயால் உயிரிழந்தார்” எனக் கூறியுள்ளார்.

இதையும் படிங்க: 42 கிலோ உடல் எடையை குறைத்த ரகசியத்தை ரசிகர்களுக்கு சொன்ன அஜித்! இப்படித்தான் என்று அவரே கூறியுள்ளார் பாருங்க...

தொடர்ந்து அவர், “2009ஆம் ஆண்டு சீரியல்களில் நடிக்க ஆரம்பித்தேன். சினிமா உலகத்துடன் எனக்கு தொடர்பே இல்லை. என் நோக்கம் இரண்டு மகன்களையும் நல்ல நிலைக்கு வளர்ப்பதுதான். அதற்காக கடுமையாக உழைத்தேன். அவர்கள் ஆஸ்டலில் தங்கி படித்தார்கள். என்னை புரிந்து கொண்டு இன்று என் பலமாக நிற்கிறார்கள். அவர்களுக்கு நான் உண்மையாக இருந்தால் போதுமானது” எனக் கூறினார்.

மீனாவின் இந்த உண்மையான அனுபவங்கள் நிறைந்த பேட்டி தற்போது சமூக வலைத்தளங்களில் வைரலாகி வருகிறது. ஒரு சாதாரண பெண் தனது வாழ்க்கைப் போராட்டத்தை எவ்வாறு வென்றார் என்பதை ரசிகர்கள் பாராட்டி வருகின்றனர்.

இதனால், கம்பம் மீனா தனது வாழ்வின் நிஜ அனுபவங்களை வெளிப்படையாக பகிர்ந்திருப்பது, பல பெண்களுக்கு உற்சாகம் அளிக்கும் விதமாக மாறியுள்ளது.

இதையும் படிங்க: அந்த வயதில் செய்திருக்க கூடாது.! வாழ்க்கையில் நான் செய்த மிகப்பெரிய தவறு.! மனம் வருந்திய நடிகை ரேவதி!!