அவரது மறைவு, பஹல்காம் தாக்குதலுக்கு பிறகு ஆசிய கோப்பைக்கு முன்னர் ஜம்மு காஷ்மீரில் நிகழ்ந்த இரண்டாவது துயர சம்பவமாகும்.விபத்தின் சிசிடிவி காட்சிகள் வெளியாகி, உள்ளூர் மக்களையும், இணைய உலகையும் உலுக்கியுள்ளது.

ஃபரீத் ஹுசைன் ஸ்கூட்டரில் சென்று கொண்டிருந்தபோது, சாலையோரம் நிறுத்தப்பட்டிருந்த காரின் கதவு திடீரென திறக்கப்பட்டதால், அவரால் பிரேக் செய்யவோ, தவிர்க்கவோ முடியாமல் மோதி, பலத்த காயமடைந்தார்.

உடனடியாக அருகிலுள்ள மருத்துவமனைக்கு அழைத்துச் செல்லப்பட்டாலும், மருத்துவர்களால் அவரைக் காப்பாற்ற முடியவில்லை, ஆகஸ்ட் 22 அன்று அவர் உயிரிழந்தார்.

இந்த விபத்து குறித்து காவல்துறை விசாரணையை தொடங்கியுள்ளது, மேலும் சிசிடிவி காட்சிகளை ஆய்வு செய்து வருகிறது.

ஃபரீதின் அகால மரணம், அவரது குடும்பத்தினர், ரசிகர்கள் மற்றும் உள்ளூர் கிரிக்கெட் சமூகத்தை ஆழ்ந்த துக்கத்தில் ஆழ்த்தியுள்ளது.