இந்தோர் நகரிலிருந்து ஜோத்பூர் நோக்கி சென்று கொண்டிருந்த தனியார் பேருந்து ஓட்டுனர் சதீஷ் ராவ் (வயது 36), பயணத்தின்போது திடீரென உடல்நலக்குறைவால் மயங்கி விழுந்து உயிரிழந்த சம்பவம் பலரையும் அதிர்ச்சியடைய வைத்துள்ளது.

இந்த பரிதாபமான நிகழ்வு, பேருந்தில் பொருத்தப்பட்டிருந்த சிசிடிவி கேமராவில் பதிவு செய்யப்பட்டிருக்கிறது. வைரலாக பரவி வரும் அந்த வீடியோவில், அவர் உட்கார்ந்து இருந்த நிலையில் திடீரென தலையை முன்நோக்கி சாய்த்தபடி மயங்கி விழுவது தெளிவாக காணப்படுகிறது.

பேருந்து ராஜ்நகர் அருகே சென்று கொண்டிருந்தபோது சதீஷ் ராவ் உடல்நிலையில் மாற்றம் ஏற்பட்டதை உணர்ந்து, ஸ்டீயரிங்கை தனது சக ஓட்டுனரிடம் ஒப்படைத்துள்ளார். பிறகு பக்கத்தில் உள்ள இருக்கையில்உட்காந்த நிலையில் இருந்த அவருக்கு, சுமார் 15-20 நிமிடங்களில் மயக்கம் ஏற்பட்டு கீழே விழுந்துள்ளார்.