தமிழக அரசியல் களத்தில் நடிகர் விஜய்யின் தமிழக வெற்றிக் கழகம் அ.தி.மு.க.வின் மூத்த தலைவர் செங்கோட்டையன் தலைமையிலான புதிய அணியுடன் கூட்டணி அமைக்க வாய்ப்புள்ளதாக அரசியல் வட்டாரங்கள் தெரிவிக்கின்றன. இந்த கூட்டணி அமைந்தால், அது தி.மு.க.வுக்குப் பெரும் சவாலாக இருக்கும் என அரசியல் விமர்சகர்கள் கருதுகின்றனர்.

அ.தி.மு.க.வின் பொதுச் செயலாளர் எடப்பாடி பழனிசாமியின் தலைமையின் மீது அதிருப்தியில் உள்ள செங்கோட்டையன், தனது ஆதரவாளர்களுடன் ஒரு புதிய அணியை உருவாக்கலாம் என்று எதிர்பார்க்கப்படுகிறது. சசிகலா, ஓபிஎஸ், டிடிவி தினகரன் ஆகியோர்கள் கொண்ட இந்த அணி, த.வெ.க.வுடன் கைகோர்த்தால், அது அ.தி.மு.க.வின் வாக்கு வங்கியை பிரித்து, தி.மு.க.வுக்கு எதிராக ஒரு வலிமையான மாற்று கூட்டணியை உருவாக்கும் என்று கூறப்படுகிறது.

இந்த கூட்டணியில், விஜய் முதலமைச்சர் வேட்பாளராகவும், செங்கோட்டையன் துணை முதலமைச்சர் வேட்பாளராகவும் அறிவிக்கப்படலாம் என்றும் தகவல்கள் தெரிவிக்கின்றன. இது, அ.தி.மு.க.வின் பாரம்பரிய வாக்குகளையும், புதிய தலைமையை விரும்பும் இளைஞர்களின் வாக்குகளையும் ஒருங்கிணைக்க உதவும்.

தவெகவுடன் கூட்டணியில் ஏற்கனவே காங்கிரஸ் இணைவது கிட்டத்தட்ட உறுதியாகிவிட்டதாகவும் கூறப்படுகிறது. தவெக, செங்கோட்டையன், காங்கிரஸ் ஆகிய மூன்று கட்சிகள் கொண்ட இந்த கூட்டணி அமைந்தால், அது மிகப்பெரிய வலிமையை பெறும். ஏனெனில், காங்கிரஸ் கட்சிக்கு தமிழகத்தில் கணிசமான வாக்கு வங்கி உள்ளது. இந்த கூட்டணியில், த.வெ.க., செங்கோட்டையன் அணி மற்றும் காங்கிரஸ் ஆகியவை இணைந்தால், அது வரும் தேர்தலில் 200 இடங்களுக்கு மேல் வெற்றி பெற்று ஆட்சியை பிடிக்கும் என்றும் தகவல்கள் தெரிவிக்கின்றன.

அ.தி.மு.க. பொதுச்செயலாளர் எடப்பாடி பழனிசாமியின் ஈகோ காரணமாகவே, முக்கிய தலைவர்களான ஓ.பன்னீர்செல்வம் மற்றும் டி.டி.வி. தினகரன் போன்றோர் கட்சியில் இருந்து விலகியுள்ளனர். இப்போது செங்கோட்டையனும் ஒரு புதிய அணியை உருவாக்கினால், அது அ.தி.மு.க.வுக்கு பெரும் பின்னடைவை ஏற்படுத்தும். ஈ.பி.எஸ். தலைமை, இந்த தொடர் விலகல்களால் வரும் தேர்தலில் படுதோல்வி அடையும் என்று அரசியல் விமர்சகர்கள் எச்சரிக்கின்றனர்.

இந்த புதிய அரசியல் சூழல், தி.மு.க.வுக்கு மிகப்பெரிய சவாலாக அமையும் என்றும், தமிழக அரசியலில் ஒரு புதிய சகாப்தம் தொடங்கும் என்றும் எதிர்பார்க்கப்படுகிறது.

Author: Bala Siva