मुंबई : गेल्या आठवड्यात 2 ते 4 सप्टेंबर दरम्यान सेमिकॉन इंडिया 2025 हा इव्हेंट देशभरात चर्चेचा विषय होता. तीन दिवसीय या इव्हेंटमध्ये चिपमेकिंग, एडवान्स पॅकेजिंग, कृत्रिम बुद्धिमत्ता आणि आंतरराष्ट्रीय भागिदारींवर लक्ष केंद्रीत केले गेले. देशाला सेमिकंडक्टर तंत्रज्ञानात आत्मनिर्भर बनवणे आणि जागतिक इलेक्ट्रॉनिक्स सप्लाय चेनमध्ये भारताचे अस्तित्व मजबूत करणे हे सरकारचे उद्दिष्ट आहे.



या इव्हेंटमध्ये अनेक कंपन्या चर्चेत होत्या जसे की, सीजी पॉवर, कायेन्स टेक, मॉसचिप टेक इत्यादी. यापैकी सीजी पॉवर कंपनीने नुकताच गुजरातच्या साणंद येथे आपला पहिला OSAT प्लांट सुरू केला आहे. तर Kaynes Technology ने म्हटले की त्यांची उपकंपनी Kaynes Semicon ऑक्टोबरच्या पहिल्या आठवड्यापर्यंत भारतात पहिली सेमिकंडक्टर चिप लॉंच करू शकते.



यावरून असे लक्षात येते की, भारतीय बनावटीच्या सेमिकंडक्टर चिप येत्या काळात जागतिक सप्लाय चैनमध्ये दिसून येतील. त्यामुळे शेअर बाजारातील अशा कंपन्यांच्या शेअर्सवर फोकस करीत आहेत. ज्या सेमिकंडक्टर उद्योगामध्ये महत्वाची भूमिका बजावू शकतील. त्यामुळे CG Power, Kaynes Technology, MosChip Technologies सह इतर कंपन्यांच्या शेअर्समध्ये 43 टक्क्यांपर्यंत वाढ दिसून आली आहे.



1. मॉसचिप टेक्नॉलॉजीज हैदराबादस्थित मॉसचिप (MosChip) ही सेमीकंडक्टर आणि प्रॉडक्ट इंजिनिअरिंग कंपनी आहे. ती एसओसी (SoC) डिझाइन, एएसआयसी (ASIC) डेव्हलपमेंट, एम्बेडेड सिस्टिम्स आणि आयओटी/एआय (IoT/AI) सोल्युशन्सवर काम करते. मार्च 2025 मध्ये, त्यांनी मॉसचिप डिजिटलस्काय जेनएआयओटी (MosChip DigitalSky GenAIoT) प्लॅटफॉर्म लाँच केला, जो आयओटी, एआय, जनरेटिव्ह एआय (Generative AI) आणि एज एआय (Edge AI) यांना एकत्र जोडतो. जून तिमाहीत (Q1 FY26) कंपनीचा महसूल 69% वाढून 135.6 कोटी झाला, तर नफा दुप्पट होऊन 10.9 कोटी झाला.



2. Kaynes Technology:Kaynes Technology ही कंपनी विविध इलेक्ट्रॉनिक घटकांचे उत्पादन करते – जसे पीसीबी, केबल असेंब्ली आणि प्रिसिजन इंजिनीअरिंग. तिची उपकंपनी Kaynes Semicon ही साणंदमध्ये 3,300 कोटींचा OSAT प्लांट उभारत आहे.



या प्लांटची उत्पादन क्षमता दररोज 60 लाख चिप्स इतकी असून त्या ऑटोमोबाईल, कन्झ्युमर इलेक्ट्रॉनिक्स आणि IT क्षेत्रात वापरल्या जातील. कंपनीने सांगितले की, ऑक्टोबरच्या पहिल्या आठवड्यात भारतात तयार झालेली पहिली चिप सादर केली जाईल.



आर्थिक कामगिरी:



आर्थिक वर्ष 2026 च्या पहिल्या तिमाहीमध्ये रेव्हेन्यू 34% वाढून 673.5 कोटी, इबीआयटीडीए 69% वाढून 113 कोटी आणि नफा 47% वाढून 74.6 कोटी झाला. सध्या कंपनीकडे 7,401 कोटींची ऑर्डर बुक आहे.



3. डिक्सॉन टेक्नॉलॉजीजDixon Technologies ही मोबाईल, टीव्ही आणि नोटबुक निर्मितीमध्ये कार्यरत असलेली देशातील मोठी इलेक्ट्रॉनिक्स उत्पादन कंपनी आहे. कंपनीने नुकतीच 2,49,000 कोटींची गुंतवणूक जाहीर केली असून त्यातून डिस्प्ले फॅब्रिकेशन युनिट उभारले जाईल. या योजनेमुळे भारतात स्थानिक कंपोनंट्सचे उत्पादन वाढेल आणि पुरवठा साखळी अधिक मजबूत होईल.



आर्थिक कामगिरी



आर्थिक वर्ष 2026 च्या पहिल्या तिमाहीमध्ये Dixon चा महसूल तब्बल 95% वाढून 12,838 कोटी, तर नफा दुप्पट होऊन 280 कोटी झाला.



4. भारत इलेक्ट्रॉनिक्सBEL ही भारतातील प्रमुख डिफेन्स इलेक्ट्रॉनिक्स उत्पादक सरकारी कंपनी आहे. BEL ने अलीकडे Tata Electronics सोबत सेमीकंडक्टर आणि इलेक्ट्रॉनिक्स क्षेत्रात सहकार्य करण्यासाठी सामंजस्य करार केला आहे.



आर्थिक कामगिरी



आर्थिक वर्ष 2026 च्या पहिल्या तिमाहीमध्ये BEL ने 5% वाढीसह 4,417 कोटींचा महसूल आणि 25% वाढीसह 969 कोटींचा नफा नोंदवला. EBITDA मार्जिनही सुमारे 30% पर्यंत वाढला आहे.



5. सीजी पॉवर अँड इंडस्ट्रीअल सोल्युशन्स1937 मध्ये स्थापन झालेली CG Power ही भारतातील एक आघाडीची कंपनी असून ती वीज निर्मिती, प्रसारण व इलेक्ट्रिकल उपकरणांच्या उत्पादनात कार्यरत आहे. कंपनीने गुजरातमधील साणंद येथे देशातील पहिले OSAT (Outsourced Semiconductor Assembly and Testing) प्लांट सुरू केल्याने उद्योग क्षेत्रात चर्चेचा विषय बनली आहे. कंपनी एकूण 7,600 कोटींची गुंतवणूक करत असून ज्यात दोन प्लांट्स – G1 आणि G2 उभारले जात आहेत.

• G1 प्लांटचा कमर्शियल उत्पादनाचा प्रारंभ झाला आहे आणि त्याची उत्पादन क्षमता दररोज 0.5 मिलियन युनिट्स आहे.
• G2 प्लांटचे बांधकाम सुरू असून तो 1.45 कोटी युनिट्स प्रतिदिन तयार करेल.
• 2025 च्या शेवटी G1 पूर्ण क्षमतेने काम करेल अशी अपेक्षा आहे.

आर्थिक कामगिरी:



आर्थिक वर्ष 2026 च्या पहिल्या तिमाहीमध्ये कंपनीचा महसूल 25% ने वाढून 2,643 कोटी आणि नफा 23% वाढून 286 कोटी झाला आहे.



नवीन ऑर्डर्समध्ये तब्बल 56% वाढ होऊन 11,971 कोटींची ऑर्डर बुक नोंदवण्यात आली आहे.