சமூக வலைதளங்களில் ஒரு பள்ளி ஆசிரியையின் குறும்பு வீடியோ பயங்கர வைரலாகி, பார்ப்பவர்களை சிரிப்பு கடலில் ஆழ்த்தியுள்ளது. இந்த வீடியோவில், ஒரு மாணவனுடன் ஆசிரியை செய்த கலகலப்பான பிராங்க், வகுப்பறையை கேலி கூத்தாக மாற்றியது.
செப்டம்பர் 14, 2025 அன்று @ErSunilGugarwal என்பவர் X-ல் பகிர்ந்த இந்த வீடியோ, ஆயிரக்கணக்கானோரை சிரிக்க வைத்து, பகிரப்படுகிறது. ஆசிரியை தன் மாணவனுடன் செய்த இந்த ஜாலி பிராங்க், எதிர்பாராத திருப்பத்துடன் முடிந்து, எல்லோரையும் வயிறு குலுங்க சிரிக்க வைத்தது.
வீடியோவில், ஆசிரியை மேசையில் அமர்ந்து, கையில் தண்ணீர் நிரம்பிய பாட்டிலை வைத்திருக்கிறார். அவர்முன் நிற்கும் அப்பாவி மாணவனை, “பாட்டிலுக்குள் பார், என்ன இருக்குனு பாரு!” என்று ஆர்வத்துடன் அழைக்கிறார். மாணவனும் உற்சாகமாக பாட்டிலை நோக்கி குனிகிறான்.
ஆசிரியை, ஏதோ மந்திர வித்தை காட்டுவது போல கைகளை அசைத்து, திடீரென பாட்டிலை அழுத்த, தண்ணீர் பீய்ச்சி அடித்து மாணவனின் முகத்தில் பாய்கிறது. ஆனால், மழை பொழிவது மாணவனுக்கு மட்டுமல்ல, ஆசிரியையும் நனைந்து விடுகிறார்.
இதைப் பார்த்து வகுப்பறையில் இருந்த மற்ற மாணவர்கள், குறிப்பாக பின்னால் நின்ற பெண்கள், வயிறு குலுங்க சிரிக்கின்றனர். குறும்பு செய்யப்பட்ட மாணவனும் கோபப்படாமல் புன்னகைக்க, இந்த இனிமையான தருணம் வகுப்பறையை மறக்க முடியாத ஜோவியல் காட்சியாக மாற்றியது.
