அமெரிக்க அதிபர் ட்ரம்ப் அரசியல் பயணமாக இங்கிலாந்து சென்றிருந்தார். இத்தாலியில், பிரதமர் ஜியோர்ஜியா மெலோனியின் கட்சியான பிரதர்ஸ் ஆஃப் இத்தாலி ஏற்பாடு செய்த அட்ரேஜு என்ற வலதுசாரி அரசியல் மாநாட்டில் கலந்துகொண்டு உரையாற்றினார்.

அப்போது, ``இத்தாலிப் பிரதமர் மெலோனியின் தலைமைத்துவத் திறன்கள் மற்றும் அரசியல் பலம் பாராட்டும் விதத்தில் இருக்கிறது. அவர் ஒரு அழகான பெண். நான் இதை அமெரிக்காவில் சொல்ல முடியாது.

அப்படிச் சொல்பவர்களின் அரசியல் வாழ்க்கையே முடிந்துவிடும். ஆனால், நான் என் வாய்ப்புகளைச் சரியாக பயன்படுத்திக்கொள்பவன்" என்றார். ட்ரம்பின் இந்த உரைக்கு அரங்கில் இருந்தவர்கள் கைதட்டி மகிழ்ந்தனர்.

ஆனால் சமூக ஊடக பயனர்கள், அதிபர் ட்ரம்பின் வார்த்தைகளைக் கடுமையாக விமர்சித்துவருகின்றனர். குறிப்பாக அதிபர் ட்ரம்பின் பெண்கள் மீதான பிற்போக்குத்தனமான கருத்துகள் எனக் கடுமையாக சாடிவருகின்றனர்.

இத்தாலியின் அரசியல் களமும் - அமெரிக்க அரசியல் பண்பும் வெவ்வேறானவை என்பதை இந்த சம்பவம் விளக்குவதாக பத்திரிகைகள் தெரிவிக்கின்றன.

இத்தாலியில் பொதுவாழ்வில் இருக்கும் ஒருவரைப் பாராட்டுவது அவரின் தனிப்பட்ட புகழுக்குரியது என்ற கருத்து நிலவுகிறது.

ஆனால், அமெரிக்காவில் பொதுவாழ்வில் இருக்கும் பெண் ஒருவரை வெளித் தோற்றத்தை வைத்துப் புகழ்வது பிற்போக்குத்தனமாக கருதப்படுகிறது.

இங்கிலாந்தில் அமெரிக்க அதிபர் ஆற்றிய இந்த உரை தற்போது இருநாட்டு சமூக ஊடகப் பயனர்களின் விவாதமாக மாறியிருக்கிறது.