मोशी, ता.१९ : मोशीची कन्या आणि बीएनसीए (भारती विद्यापीठ कॉलेज ऑफ आर्किटेक्चर, पुणे) येथील विद्यार्थिनी मानसी मोकाशी हिने देशभरातील आर्किटेक्चरल विद्यार्थ्यांमध्ये सर्वोत्तम ठरून ‘सीओए पीजीटीए पुरस्कार २०२५’ नुकताच पटकाविला.
देशभरातील सर्व सीओए-अनुमोदित आर्किटेक्चर महाविद्यालये दोन सर्वोत्तम पदव्युत्तर प्रबंधांची निवड या प्रतिष्ठेच्या राष्ट्रीय स्पर्धेसाठी करतात. या पार्श्वभूमीवर मानसी मोकाशी हिचा प्रबंध सर्वोत्तम आर्किटेक्चरल प्रबंध म्हणून निवडण्यात आला.