இணைய தொழில்நுட்ப வளர்ச்சியால், இந்திய பெண்கள் தற்போது கூகிள் தேடல்களில் முக்கிய பங்கு வகிக்கின்றனர்.

நாட்டில் 15 கோடி இணைய பயனர்கள் இருப்பதில், சுமார் 6 கோடி பெண்கள் இணையத்தை தீவிரமாக பயன்படுத்துகின்றனர். 2022-ம் ஆண்டுக்கான தரவுகளின்படி, 75% பெண்கள் 15 முதல் 34 வயதுக்குட்பட்ட இளைய தலைமுறையைச் சேர்ந்தவர்கள் என்பது குறிப்பிடத்தக்கது. இந்த தகவல், இளைய பெண்கள் டிஜிட்டல் உலகில் இடம் பிடித்து வரும் தாக்கத்தைக் காட்டுகிறது.

இந்த பெண்கள் கூகிளில் அதிகம் தேடுவது, அழகு பராமரிப்பு, உடல்நல குறிப்புகள், சமையல் ரெசிப்பிகள், ஃபேஷன் போக்குகள், வேலை வாய்ப்புகள், குழந்தை வளர்ப்பு, கல்வி மற்றும் குடும்ப மேலாண்மை குறித்த தகவல்களாகும்.

இது மட்டுமல்லாமல், சமூக நிகழ்வுகள், கலை, இலக்கியம், பொழுதுபோக்கு போன்றதிலும் அவர்கள் ஆர்வமுடன் தேடுகிறார்கள். இந்த தேடல்களின் அடிப்படையில், பெண்கள் சமூக மாற்றங்களை விரைவாகப் புரிந்து கொள்ளும் நிலையில் உள்ளனர் என்பதும் தெளிவாகிறது.

சில பெண்கள், இணையத்தை மிகத் தனிப்பட்ட தருணங்களில் பயன்படுத்தி வருகிறார்கள். மனநலம், உறவுசார் பிரச்சனைகள், மன உளைச்சல் போன்ற விஷயங்களில் பதில் தேடுவதும், அவர்களது தனிப்பட்ட வாழ்க்கையை மீள சீரமைப்பதற்கான முயற்சியாக பார்க்கப்படுகிறது.

“என்னை யாரும் புரிந்துகொள்ளவில்லையெனில், கூகிள் கண்டிப்பாக புரிந்துகொள்கிறது” என்ற நிலைமைக்கு இன்றைய பெண்கள் வந்துவிட்டனர் எனக் கூட சொல்லலாம்.

இதன் மூலம், இணையம் பெண்களின் தினசரி வாழ்வில் ஒரு துணை சகாகம் போல் செயல்படுகிறது. குறிப்பாக, கிராமப்புறப் பெண்களுக்கும் நகர்ப்புற இளம்பெண்களுக்கும் இடையே, இணையத்தால் உருவாகும் அறிவு மற்றும் விழிப்புணர்வுத் தீவிரம், சமுதாய வளர்ச்சியில் முக்கிய பங்களிப்பாக இருக்கிறது.

அவர்கள் தேடும் தேடல்களின் மூலம், சமூகத்தின் நடப்புகள், பிரச்சனைகள் மற்றும் தேவைகள் பற்றிய உணர்வும் வெளிப்படுகிறது.