நாட்டின் மிகப்பெரிய நிறுவனங்களில் ஒன்றான அதானி எண்டர்பிரைசஸ் நிறுவனத்தின் கடனை அடைப்பதற்காக நிதி திரட்டும் பணியில் ஈடுபட்டுள்ளது. அதாவது ரூ.25,000 நிதி திரட்டுவதற்கு உரிமை பங்குகள் வெளியிட உள்ளதாக தெரிவித்துள்ளது. இதற்கான அனுமதியை நிறுவனத்தின் வாரியம் அளித்துள்ளது.



செப்டம்பர் காலாண்டில் ஒருங்கிணைந்த நிகர லாபம் ஆண்டுக்கு ஆண்டு 84% அதிகரித்து ரூ.3,199 கோடியாக உயர்ந்துள்ளதாக நிறுவனம் தெரிவித்துள்ளது. இதற்கு முக்கிய காரணம் அதானி வில்மர் லிமிடெட்டின் பங்குகளை விற்பனை செய்ததன் மூலம் கிடைத்த வருவாய் ஆகும்.



இந்த உரிமை பங்கு வெளியிட்டின் மூலமாக கிடைக்கும் வருமானத்தை கடனை அடைப்பதற்கும், மூலதனச் செலவினங்களுக்கும், முக்கியமாக விமான நிலைய வணிகத்தில் பயன்படுத்த வாய்ப்புள்ளது என்று கூறப்படுகிறது. உரிமை வெளியீடுவதற்கான ரெக்கார்ட் தேதி இனி வரும் நாட்களில் அறிவிக்கப்படும் என எதிர்பார்க்கப்படுகிறது.



அதானி குழுமத்தின் மிகப்பெரிய நிதி திரட்டல் இதுவாகும். இந்த முறை நிறுவனம் ரூ.25,000 கோடி நிதி திரட்ட திட்டமிட்டுள்ளது. அமெரிக்க குறுகிய விற்பனையாளரான ஹிண்டன்பர்க் ரிசர்ச் ஒரு அறிக்கையில் துறைமுகங்கள்-ஆற்றல் கூட்டு நிறுவனத்திற்கு எதிராக குற்றச்சாட்டுகளை முன்வைத்தது. அந்த சமயத்தில்2023 ஆம் ஆண்டில் ரூ.20,000 கோடி திரட்டுவதற்கான திட்டத்தை நிறுவனம் வைத்திருந்த நிலையில், குற்றசாட்டு காரணமாக அது கைவிடப்பட்டது.கடந்த நிதியாண்டில் நிறுவன முதலீட்டாளர்களுக்கு பங்குகளை பொது விற்பனை செய்வதன் மூலம் நிறுவனம் $500 மில்லியன் திரட்டியது.



இரண்டாம் காலாண்டு செயல்திறன்



வர்த்தகம் மற்றும் சாலை வணிகங்களில் இருந்து வருவாய் பலவீனமாக இருந்ததால், விதிவிலக்கான பொருட்கள் மற்றும் வரிக்கு முந்தைய லாபம் செப்டம்பர் 30 ஆம் தேதியுடன் முடிவடைந்த காலாண்டில் 66% குறைந்து ரூ.2,409 கோடியாக இருந்தது. AWL Agri Business Ltd நிறுவனத்தில் 10.42% பங்குகளை Adani Commodities LLP விற்றதைத் தொடர்ந்து, நிறுவனம் ரூ. 3,583 கோடி விதிவிலக்கான லாபத்தைப் பதிவு செய்தது.



அதானி எண்டர்பிரைசஸ் செப்டம்பர் 30 ஆம் தேதி நிலவரப்படி ரூ. 60,070 கோடி நிகர வெளிப்புறக் கடனைக் கொண்டிருந்தது. இது 2025ம் ஆண்டு மார்ச் ரூ. 49,306 கோடியிலிருந்து அதிகரித்துள்ளது.



செயல்பாடுகளிலிருந்து வருவாய் 6% குறைந்து ரூ.21,249 கோடியாக இருந்தது. இது அதன் ஒருங்கிணைந்த வள மேலாண்மை (IRM) மற்றும் வணிக சுரங்கப் பிரிவுகளில் குறைந்த வர்த்தக அளவுகள் மற்றும் விலைகளை பிரதிபலிக்கிறது.



தொடர்ச்சியாக, வரிக்குப் பிந்தைய லாபம் FY26 இன் முதல் காலாண்டில் ரூ.734 கோடியிலிருந்து கிட்டத்தட்ட நான்கரை மடங்கு உயர்ந்தது. அதே நேரத்தில் வருவாய் ரூ.21,961 கோடியிலிருந்து 3.2% சரிந்தது.



ஒருங்கிணைந்த எபிட்டா ஆண்டுக்கு 10% குறைந்து ரூ.3,902 கோடியாக இருந்தது. அதானி ஏர்போர்ட்ஸ் ஹோல்டிங்ஸ் லிமிடெட் கீழ் அதன் விமான நிலைய வணிகத்தில், வருவாய் ஆண்டுக்கு ஆண்டு 43% அதிகரித்து ரூ.3,167 கோடியாக இரண்டாவது காலாண்டில் இருந்தது.