मुंबई : महाराष्ट्र सरकारने बुधवारी उद्योगपती एलन मस्क यांच्या स्टारलिंक सॅटेलाइट कम्युनिकेशन्स प्रायव्हेट लिमिटेड सोबत उपग्रह-आधारित इंटरनेट सेवा स्थापन करण्यासाठी भागीदारीची घोषणा केली. यामुळे अमेरिकन कंपनी Starlink Satellite सोबत औपचारिकपणे करार करणारे हे पहिले भारतीय राज्य ठरले आहे .सरकारने कंपनीसोबत इरादा पत्र (LOI) वर स्वाक्षरी केली.



मुख्यमंत्री देवेंद्र फडणवीस म्हणाले की यामुळे गडचिरोली, नंदुरबार, वाशिम आणि धाराशिव सारख्या दुर्गम आणि वंचित जिल्ह्यांमध्ये सरकारी संस्था, ग्रामीण समुदाय आणि महत्त्वाच्या सार्वजनिक पायाभूत सुविधांसाठी उपग्रह-आधारित इंटरनेट सेवा स्थापन करण्यासाठी स्टारलिंकसोबत सहयोग करणारे महाराष्ट्र हे पहिले राज्य बनले आहे. मस्क यांची Starlink ही आयसीटी (माहिती आणि संप्रेषण तंत्रज्ञान) उद्योगातील सर्वात मोठ्या कंपन्यांपैकी एक आहे. कंपनीकडे जगातील सर्वात जास्त संप्रेषण उपग्रह आहेत.



फडणवीस यांनी सोशल मीडिया प्लॅटफॉर्म 'X' वर लिहिले, ही कंपनी भारतात येत आहे आणि महाराष्ट्रासोबत भागीदारी करत आहे हे आमच्यासाठी सन्मानाची गोष्ट आहे. त्यांनी सांगितले की महाराष्ट्र-स्टारलिंक सहकार्य राज्याच्या प्रमुख डिजिटल महाराष्ट्र मोहिमेला पाठिंबा देते आणि त्यांच्या ईव्ही (इलेक्ट्रिक वाहन), किनारी विकास आणि आपत्ती व्यवस्थापन कार्यक्रमांशी एकत्रित होते.



फडणवीस म्हणाले की या ऐतिहासिक निर्णयामुळे महाराष्ट्र उपग्रह-सक्षम डिजिटल पायाभूत सुविधांमध्ये भारताचे नेतृत्व करेल. भविष्यासाठी सज्ज महाराष्ट्राच्या दिशेने ही एक मोठी झेप आहे आणि तळागाळात पंतप्रधान नरेंद्र मोदी यांच्या डिजिटल इंडिया मोहिमेसाठी एक बेंचमार्क स्थापित करते.



याआधी स्टारलिंकने मुंबईत आपले पहिली ऑफिस भाड्याने घेतली आहे. हे ऑफिस चांदिवली येथील बूमरँग कमर्शियल कॉम्प्लेक्समध्ये आहे. हे शहरातील प्रमुख व्यावसायिक क्षेत्रांपैकी एक आहे. कंपनीने १,२९४ चौरस फूट आकाराचे हे आॅफिस स्पेस भाड्याने घेतली आहे. ते प्रामुख्याने स्टारलिंकच्या कायदेशीर टीमद्वारे वापरली जाईल.