ஆஸ்திரேலியாவில் நடைபெற்று வரும் 5 போட்டிகள் கொண்ட டி20 தொடர் தற்போது 1-1 என்ற நிலைப்பாட்டில் சுவாரஸ்யமாக நகர்கிறது. மழையால் முடிவின்றி ரத்து செய்யப்பட்ட முதல் ஆட்டத்துக்கு பிறகு, இரண்டாவது போட்டியில் ஆஸ்திரேலியா வென்றது. பின்னர் கான்பெர்ராவில் நடைபெற்ற மூன்றாவது ஆட்டத்தில் இந்திய அணி சிறப்பாக விளையாடி வெற்றி பெற்றது. இதனால் தொடரில் இரு அணிகளும் சமநிலையில் உள்ளன.

இந்த சூழலில், 4-வது டி20 போட்டி இன்று கோல்டுகோஸ்ட் நகரில் உள்ள கரரா ஓவல் மைதானத்தில் நடைபெறுகிறது. தொடரை கைப்பற்றுவதற்கான முக்கிய வாய்ப்பை உருவாக்கும் போட்டி என்பதால் இரு அணிகளும் தீவிர பயிற்சியில் ஈடுபட்டு, கடுமையான போராட்டத்துக்கு தயார் நிலையில் உள்ளன.

இன்றைய ஆட்டத்தில் வெற்றி பெறும் அணி தொடரை வெல்லும் வாய்ப்பை உறுதியாகப் பெற்று கொள்ளும் நிலையில், இந்தியா மற்றும் ஆஸ்திரேலியா அணிகள் தங்கள் சிறந்த அணிவகுப்புடன் களமிறங்க உள்ளன. போட்டி பிற்பகல் 1.45 மணிக்கு தொடங்குகிறது. இந்தியாவில் ஸ்டார் ஸ்போர்ட்ஸ் தொலைக்காட்சி சேனல்கள் போட்டியை நேரலையாக ஒளிபரப்பு செய்கின்றன. டிஸ்னி+ஹாட்ஸ்டார் வழியாக ஆன்லைனிலும் பார்க்கலாம். கிரிக்கெட் ரசிகர்கள் ஆவலுடன் எதிர்பார்க்கும் இப்போட்டி, தொடரின் நிலையை தீர்மானிக்கும் முக்கிய மோதலாக அமைந்திருப்பதால் இன்றைய போட்டியில் விறுவிறுப்புக்கு பஞ்சமிருக்காது. 

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை

ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க