ग्लोबल ब्रोकरेजची निगेटिव्ह रेटिंग! हे 10 शेअरमध्ये मोठ्या घसरणीची शक्यता; तुमच्या पोर्टफोलिओमध्ये असतील तर तत्काळ विका
ET Marathi November 09, 2025 04:45 PM
भारतीय शेअर बाजारात पुढील आठवड्यात गुंतवणूकदारांसाठी दबाव वाढू शकतो. कारण, जगातील प्रमुख ब्रोकरेज फर्म्स जेफरीज, गोल्डमन सॅक्स, मॉर्गन स्टेनली, एचएसबीसी, मॅक्वाअरी आणि सीएलएसए यांनी भारतातील 10 मोठ्या कंपन्यांच्या शेअर्सवर निगेटिव्ह रेटिंग जारी केली आहे.
या अहवालांनुसार, काही कंपन्यांच्या नफ्यात घट आणि काही क्षेत्रांतील मागणी कमी झाल्यामुळे अल्पावधीत शेअर किंमतींमध्ये घसरण (करेक्शन) आणि प्रॉफिट बुकिंग होऊ शकते.
ब्रिटानियासध्याची किंमत : 6155 रुपये
Macquarie ने Britannia वर Underperform रेटिंग जारी ठेवली असून टारगेट 5100 रुपये दिले आहे. ग्रामीण मागणीतील कमजोरी आणि कच्च्या मालाच्या किंमतींतील अस्थिरतेमुळे कंपनीच्या मार्जिनवर ताण राहू शकतो.
ग्लॅंड फार्मासध्याची किंमत : 1865 रुपये
गोल्डमन सॅक्सने Gland Pharma वर Sell रेटिंग ठेवत टारगेट 1725 रुपयांवरून 1700 रुपये केले आहे. जागतिक बाजारातील प्राइसिंग प्रेशर आणि कॉस्ट इन्फ्लेशनमुळे अल्पावधीत शेअरमध्ये घसरणीचा धोका असल्याचे म्हटले आहे.
भारती हेक्झाकॉमसध्याची किंमत : 1751 रुपये
Macquarie ने Bharti Hexacom वर Underperform रेटिंग देत टारगेट 1380 रुपये ठेवले आहे. ARPU वाढ मर्यादित असल्याने रेव्हेन्यूमध्ये चांगली वाढ शक्य नसल्याचे ब्रोकरेजने म्हटले आहे.
कन्साई नेरोलॅकसध्याची किंमत : 246 रुपयेमॉर्गन स्टेनलीने Kansai Nerolac वर Underweight रेटिंग ठेवत टारगेट 212 रुपये दिले आहे. Q2 निकाल अपेक्षेपेक्षा कमकूवत असून डेकोरेटिव्ह सेगमेंटमधील मागणी मंदावली आहे.
बजाज हाऊसिंग फायनानस सध्याची किंमत : 109 रुपये
HSBC ने Bajaj Housing Finance वर Reduce रेटिंग कायम ठेवली असून टारगेट 100 रुपयांवरून 92 रुपये केले आहे. एनबीएफससी क्षेत्रातील वाढलेला फंडिंग कॉस्ट आणि मॉर्गेज बिझनेसवरील दबाव यामुळे नफ्यावर परिणाम होऊ शकतो.
पेटीएमसध्याची किंमत : 1345 रुपये
सीएलएसएने Paytm वर Reduce रेटिंग ठेवली असून टारगेट 920 रुपयांवरून 1000 रुपये केले आहे. कोर बिझनेसमध्ये वाढ असूनही रेग्युलेटरी अनिश्चिततेमुळे गुंतवणूकदारांनी सावध राहावे, असे ब्रोकरेजचे मत आहे.
डिल्लीवरीसध्याची किंमत : 431 रुपये
जेफरीजने Delhivery वर Underperform रेटिंग देत टारगेट 350 रुपयांवरून 390 रुपये केले आहे. ई-कॉमर्स स्थिर असले तरी एक्सप्रेस पार्सल आणि PTL सेगमेंटमधील मार्जिन कमी आहेत.
वेस्टलाइफ फूडवर्ल्डसध्याची किंमत : 569 रुपये
CLSA ने Westlife Foodworld वर Reduce रेटिंग देत टारगेट 538 रुपयांवरून 500 रुपये केले आहे. वाढलेली इनपुट कॉस्ट आणि स्लो कंझ्युमर डिमांडमुळे नफा कमी होऊ शकतो.
गोदरेज कंझ्युमरसध्याची किंमत : 1125 रुपये
CLSA ने Godrej Consumer Products वर Reduce रेटिंग ठेवत टारगेट 978 रुपयांवरून 956 रुपये केले आहे. ग्रामीण बाजारातील वाढ मंद आणि व्हॅल्यूएशन महाग वाटत असल्याचे नमूद केले आहे.
अर्बन कोसध्याची किंमत : 142 रुपये
Morgan Stanley ने Urban Co वर Underweight रेटिंग ठेवत टारगेट 119 रुपयांवरून 117 रुपये केले आहे. कंपनीचा कोर भारतातील बिझनेस चांगला असला तरी आंतरराष्ट्रीय विभागातील कामगिरी कमकूवत आहे.
शेअर बाजार तज्ज्ञांचे मततज्ज्ञांच्या मते, या रिपोर्ट्समुळे बाजारातील भावना तत्काळ प्रभावित होऊ शकतात. बहुतांश कंपन्यांवर Reduce किंवा Underperform रेटिंग असल्याने ट्रेडर्सनी सध्या सावधगिरी बाळगावी.
(Disclaimer: ब्रोकरेज फर्म /तज्ज्ञांनी दिलेल्या शिफारसी, सूचना, मते आणि सल्ला ही त्यांची स्वतःची आहेत. हे 'इकॉनॉमिक टाइम्स मराठी'च्या मतांचे प्रतिनिधित्व करत नाहीत.)
