தலைநகர் டெல்லியில் நடந்த கார் வெடிப்புச் சம்பவத்தில் ஏற்பட்ட உயிரிழப்புகள் மற்றும் காயங்கள் குறித்து தமிழக முதல்வர் மு.க. ஸ்டாலின் அவர்கள் தனது ஆழ்ந்த இரங்கலைத் தெரிவித்துள்ளார்.

இது குறித்து அவர் வெளியிட்டுள்ள அறிக்கையில், உயிரிழந்தவர்களின் குடும்பங்களுக்கு தனது ஆறுதலைத் தெரிவித்துக் கொள்வதாகவும், காயமடைந்தவர்கள் விரைவில் குணமடைய விரும்புவதாகவும் குறிப்பிட்டுள்ளார்.

இதேபோல், எதிர்க்கட்சித் தலைவரும் அ.தி.மு.க. பொதுச் செயலாளருமான எடப்பாடி பழனிசாமி அவர்களும் இந்தத் துயரச் சம்பவத்துக்கு இரங்கல் தெரிவித்து, மத்திய அரசு விரைந்து உரிய விசாரணை நடத்தி உண்மைகளைக் கண்டறிய வேண்டும் என்றும் வலியுறுத்தியுள்ளார்