வங்கக்கடலில் உருவான ஆழ்ந்த காற்றழுத்த தாழ்வு மண்டலம் புயலாக வலுப்பெற்றுள்ளதாகவும், இதற்கு ‘டிட்வா’ என பெயரிடப்பட்டுள்ளதாகவும் வானிலை ஆய்வு மையம் அதிகாரப்பூர்வமாக அறிவித்துள்ளது. சென்னைக்கு தென்கிழக்கில் சுமார் 700 கி.மீ தூரத்தில் மையம் கொண்டுள்ள இந்த புயல், வடமேற்கு திசையில் நகர்ந்து 30ஆம் தேதி காலை வடதமிழகம்–புதுவை–காரைக்கால் அருகே கரையை தொடக்கூடும் எனக் கணிக்கப்பட்டுள்ளது. இதன் தாக்கத்தால் அடுத்த நான்கு நாட்களுக்கு கடலோர மாவட்டங்களில் மழை தீவிரமடையும் என்று தென்மண்டல வானிலை மையத் தலைவர் அமுதா தகவல் தெரிவித்தார்.

டெல்டா மாவட்டங்களுக்கு சிவப்பு எச்சரிக்கை அறிவிக்கப்பட்டுள்ளது. புதுக்கோட்டை, தஞ்சாவூர், திருவாரூர், நாகப்பட்டிணம் உள்ளிட்ட பகுதிகளில் கனமழை முதல் மிக கனமழை பெய்ய வாய்ப்பு இருப்பதாகவும், ராமநாதபுரம், சிவகங்கை, திருச்சி, அரியலூர், காரைக்கால் போன்ற மாவட்டங்களுக்கு ஆரஞ்சு எச்சரிக்கை வழங்கப்பட்டுள்ளது. மேலும் 29ஆம் தேதி சென்னை, திருவள்ளூர், காஞ்சிபுரம், ராணிப்பேட்டை, வேலூர், கள்ளக்குறிச்சி, திருவண்ணாமலை உள்ளிட்ட 10 மாவட்டங்களுக்கு ஆரஞ்சு எச்சரிக்கை தொடரும். கடலோரப் பிரதேசங்களில் காற்று வேகம் 80–90 கி.மீ வரை எட்டக்கூடும் எனவும், பொது பகுதிகளில் 40–50 கி.மீ வேகமாக காற்று வீசும் எனவும் எச்சரிக்கை விடுக்கப்பட்டுள்ளது.

அடுத்த 5 நாட்களுக்கு மீனவர்கள் கடலுக்கு செல்ல தடை செய்யப்பட்டுள்ளதுடன், வட–தென் வங்கக்கடல் பகுதிகளிலும் மீன்பிடி தற்காலிகமாக நிறுத்த அறிவுறுத்தப்பட்டுள்ளது. சென்னையில் அடுத்த இரண்டு நாட்களுக்கு மேகமூட்டத்துடன் லேசான முதல் மிதமான மழை பெய்யக்கூடும்; வெப்பநிலை 25–26°C அளவில் சீராக இருக்கும். புயல் தாக்கம் நகரும் போதெல்லாம் காற்று வேகம் மேலும் அதிகரிக்கும் என்பதால், பொது மக்கள் எச்சரிக்கையாக இருக்க வேண்டியது அவசியம் என வானிலை ஆய்வு மையம் தெரிவித்துள்ளது.

ஆயுள் முழுவதும் ரூ.52,000 ஓய்வூதியம்! எல்.ஐ.சி.யின் அசத்தல் திட்டம்!

வீடியோ! 5 அடி முதலையை விழுங்கும் மலைப்பாம்பு!!

வீடியோ! ராஜநாகத்துடன் ஆக்ரோஷமாக சண்டையிடும் கோழி!!

உங்க ராசிக்கேற்ற தொழில் எது? இந்த துறை அதிக லாபம் தரும்

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!