आपल्या देशात ट्रेनचा प्रवास हा स्वस्त मानला जातो. त्यामुळं लांबच्या ठिकाणी जायचं असल्यास सर्वसामान्यांची ट्रेनला सर्वाधिक पसंती असते. मात्र तुम्हाला जाऊन आश्चर्य वाटेल की जगात अशा काही महागड्या लक्झरी ट्रेन आहेत. ज्याच्या एका तिकिटासाठी तुम्हाला तुमची एखादी मालमत्ता किंवा लक्झरी कार विकावी लागू शकते. कारण या ट्रेन राजवाड्यांपेक्षा कमी नाहीत. त्यात स्वातंत्र्य स्पा, पंचतारांकित हॉटेल आणि आलिशान इंटिरिअर असतं. चला तर मग त्या ट्रेन्सबद्दल जाणून घेऊया… ( World’s Most Expesnive Trains )

महाराजा एक्सप्रेस, भारत (महाराजा एक्सप्रेस इंडिया)
भारतातील ही ट्रेन ऑक्टोबर ते एप्रिल दरम्यान धावते आणि देशातील सर्वात आलिशान ट्रेन मानली जाते. या ट्रेनमधून प्रवासासाठी ३ रात्री/४ दिवस आणि ६ रात्री/७ दिवसांचे पॅकेज दिले जाते. यामधून तुम्ही जयपूर, उदयपूर, आग्रा आणि वाराणसीसारख्या ऐतिहासिक शहरांमध्ये जाऊ शकता. या ट्रेनचं प्रति प्रवासी भाडे 3.7 लाखांपासून ते 22 लाखांपर्यंत असते. ट्रेनमध्ये राजेशाही इंटिरिअर पाहायला मिळतं. तसेच यामध्ये सर्व सुविधांसह बाथरूम, LED टीव्ही, वायफाय, मोठं कपाट, रेस्टॉरंट, बार यांसारख्या लक्झरी सुविधा दिल्या जातात.

ट्रेन सूट शिकी-शिमा, जपान (ट्रेन सूट शिकी-शिमा)
टोकियोहून धावणारी ही ट्रेन जगातील सर्वात खास ट्रेनपैकी एक मानली जाते. कारण या ट्रेनचं बुकिंग मिळणं कठीण मानलं जातं. ती तोहोकू आणि होक्काइडो सारख्या सुंदर शहरांमध्ये पोहोचण्यासाठी २-रात्री/३-दिवस आणि ३-रात्री/४-दिवसांचे पॅकेज देते. त्याचं प्रति प्रवासी भाडे 8.3 लाखांपासून ते 11.5 लाखांपर्यंत असतं. अद्भुत डिझाइन, काचेचा लाउंज आणि जेवणाच्या मेन्यूसाठी ओळखली जाते.

व्हेनिस सिम्प्लॉन-ओरिएंट-एक्सप्रेस, युरोप (व्हेनिस सिम्पलॉन-ओरिएंट-एक्सप्रेस)
व्हेनिस सिम्पलॉन-ओरिएंट-एक्सप्रेस (VSOE) ही लंडन ते व्हेनिस आणि इतर युरोपीय शहरांसाठी एक खाजगी लक्झरी ट्रेन सेवा आहे. त्याचं प्रति प्रवासी भाडं हे 4 लाखांपासून ते 10 लाखांपर्यंत असते. राजेशाही, राजदूत, व्यावसायिक लोक आणि भांडवलदार वर्गाकडून प्रवासासाठी या ट्रेनला पसंती दिली जाते.

हेही वाचा: World’s Shortest Flight: जगातील सर्वात लहान 53 सेकंदाचा विमान प्रवास

रोवोस रेल, दक्षिण आफ्रिका (रोवोस रेल ट्रेन)
ही ट्रेन ‘प्राईड ऑफ आफ्रिका’ म्हणून ओळखली जाते. दक्षिण आफ्रिका, झिम्बाब्वे, नामिबिया आणि टांझानियासारख्या देशांमध्ये प्रवास करण्यासाठी ३ ते १४ दिवसांचा प्रवास करण्यासाठी ही ट्रेन सेवा आहे. ज्याचं तिकीट ३ लाखांपासून सुरू होते. यामध्येही अनेक लक्झरी सुविधा दिल्या जातात.

बेलमंड रॉयल स्कॉट्समन, स्कॉटलंड (बेलमंड रॉयल स्कॉट्समन ट्रेन)
स्कॉटिश हाईलँड्सच्या सुंदर दऱ्यांमधून ही ट्रेन तुम्हाला घेऊन जाते. दोन ते सात दिवसांचं ट्रॅव्हलिंग पॅकेज या ट्रेनमध्ये दिले जाते. त्याचं प्रति व्यक्ती तिकीट ४ लाख ते १२ लाखांपर्यंत असतं. यात आरामदायी केबिन, ऑन-बोर्ड स्पा आणि निसर्गरम्य दृश्यांचा आनंद घेण्यासाठी ओपन-एअर डेक आहे.