थंडीत तुम्ही शांत ठिकाणी जाऊ इच्छत असाल तर भारतात अशी अनेक स्थळं आहेत. जेथे पर्वतांचे सौदर्य आणि तसेच सागरी किनारे आहेत. गुलाबी थंडी ते पांढरी चादर ओढलेले पर्वत पहाता येतील. जर तुम्हाला शांतता आणि रोमांच दोन्हींचा अनुभव घ्यायचा असेल तर ऋषिकेश तुमच्यासाठी परफेक्ट स्थळ आहे. येथील शांत घाट, अनोखे कॅफे,बजेट फ्रेंडली हॉटेल तुमची ट्रीप आनंददायी करतील. येथील गंगेचे किनारे, रिव्हर राफ्टींग मजा देतील. थंडीत जयपूरची पिंक सिटी आणखी सुंदर दिसते. डिसेंबरात येथील तापमान चांगले असते. जयपूरात गेस्ट हाऊस, स्वादिष्ट स्ट्रीट फूड आणि शानदार किल्ले आणि महल पाहण्यासारखे आहेत. हवा महल, आमेर फोर्ट आणि सिटी पॅलेस पहाण्यासारखे आहेत.
युनेस्को वर्ल्ड हेरिटेज साईट हम्पी ऐतिहासिक स्थळ आहे. ही जागा बॅकपॅकर्स आणि बजेट ट्रॅव्हलर्ससाठी फेव्हरेट जागा आहे. येथील मंदिर, तुंगभद्रा नदी किनाऱ्यावरील बनलेले व्हयू पॉईट्स आणि सायकलिंग टूरची मजा घेऊ शकता. भारतातील सर्वात प्राचीन नगरी वाराणसी देखील वेगळाच अनुभव देते. गंगेच्या घाटावरील गंगा आरती. लोकल बनारसी फूड्स आणि गंगेच्या किनारी नावेतून सफर आणि काशी विश्वनाथ मंदिराचे दर्शन तुम्हाला आध्यात्मिक अनुभव देईल.
गोवा महाग आहे असे तुम्हाला वाटत असेल तर तसे नाही.ही ट्रीप स्वस्त आणि मस्त वाटेल. येथीस स्वच्छ समुद्र किनारे आणि जेवण तसेच स्कुटर भाड्याने विविध चर्च आणि बिच पहाणे रोमांचकारक वाटेल. जर तुम्हाला थंड हवा, निळे पर्वत आणि शांतता पसंद असेल तर मॅकलॉडगंज येथे जावा. छोटेसे हिल स्टेशन तिबेटी संस्कृतीने भरलेले आहे. येथील मठ, लोकल कॅफे आणि स्वस्तातील होम स्टे बजेट ट्रॅव्हलर्ससाठी फेव्हरेट होतील, येथे तुम्ही बर्फाचा देखील आनंद घेऊ शकता.