உடல்நலம் குன்றி, தன்னிச்சையாக உணவு உண்ணவோ அல்லது நடமாடவோ இயலாத நிலையில் உள்ள தனது வயதான தந்தையை, மகன் மற்றும் மருமகள் ஆகிய இருவர் முதியோர் இல்லத்தில் சேர்க்கும் உருக்கமான வீடியோக் காட்சி சமூக வலைதளங்களில் வெளியாகிப் பலரது இதயங்களையும் கனக்கச் செய்துள்ளது.

அந்த வீடியோவில், முதியோர் இல்லத்துப் பெண்மணி ஒருவர், “உங்களுக்கு நடக்கக் கற்றுக்கொடுத்து, ஆளாக்கிய தந்தையை இன்று அவர் தள்ளாடும்போது கைவிடுவது முறையா?” எனக் கேள்வி எழுப்பியதோடு, “நாளை உங்கள் பிள்ளைகளும் உங்களை இதே நிலைக்குத் தள்ளக்கூடும்” என்று கூறிய எச்சரிக்கை, அந்த மகனை மௌனத்தில் ஆழ்த்தியது.