ठाकरे सेना अन् मनसेची युती उद्या मंगळवारी जाहीर होणार आहे युतीची घोषणा एकत्रित आणि धुमधडाक्यात होणार असल्याचे ठाकरे सेनेचे खासदार संजय राऊत यांनी सांगितले. 'मातोश्री'वर याबाबत महत्त्वाच्या नेत्यांची बैठक असल्याची ते म्हणाले.
Shiv Sena live: शिवसेनेचे माजी आमदार विश्वास नांदेकर यांचे निधनयवतमाळच्या वणी विधानसभा मतदार संघाचे शिवसेनेचे माजी आमदार विश्वास नांदेकर यांचे निधन झाले. त्यांच्यावर गेल्या एक महिन्यांपासून मुंबई येथील लीलावती हॉस्पिटलमध्ये उपचार सुरु होते. उपचारादरम्यान त्यांची प्राणज्योत मालवली. नांदेकर हे आक्रमक शिवसैनिक म्हणून परिचित होते. तालुका प्रमुख, जिल्हा परिषद सदस्य ते आमदार असा त्यांचा प्रवास होता. विधानसभा निवडणुकीदरम्यान शिवसेना शिंदे गटात नांदेकर यांनी पक्षप्रवेश केला होता. ते चंद्रपूर यवतमाळ लोकसभा समन्वयक होते. दोन महिन्यांपूर्वी त्यांच्या गुडघ्यावर शस्त्रक्रिया करण्यात आली होती. मात्र त्यानंतर त्यांची प्रकृती खालवली होती. वणी येथे त्यांच्यावर अंत्यसंस्कार केले जाणार आहे.
मुश्रीफांच्याबाबत विचारू नका, संजय मंडलिक भडकलेमंत्री हसन मुश्रीफ यांच्याबद्दल मला काहीच बोलायचे नाही. कारण त्यांच्या विचारांवर मी राजकारण करत नाही. मुश्रीफ काय हिटलर लागून गेले नाहीत? मुश्रीफ यांच्याबद्दल विचारू नका, मरू देत तिकडे, अशा शब्दात माजी खासदार संजय मंडलिक यांनी संताप व्यक्त केला.
सोलापूरमध्ये काँग्रेसच्या हाती भोपाळसोलापूर जिल्ह्यात काँग्रेसला मोठा धक्का बसला आहे. नगरपरिषद आणि नगरपंचायत निवडणुकीत काँग्रेसला एका नगराध्यक्षपद जिंकता आले नाही. अक्कलकोट नगपंचायतीमध्ये केवळ दोन नगरसेवक काँग्रेसचे विजयी झाले आहेत.
122 जागा निवडून दिल्या तर स्वप्न पूर्ण होईल – रवींद्र चव्हाणकल्याण–डोंबिवली महापालिकेवर भाजपचा महापौर बसावा, ही येथील नागरिकांची अनेक वर्षांची इच्छा असून ती पूर्ण करण्याची ताकद मुख्यमंत्री देवेंद्र फडणवीस यांच्याकडे आहे. मात्र त्यासाठी 15 जानेवारी रोजी होणाऱ्या निवडणुकीत भाजपचे 122 नगरसेवक निवडून देण्याची जबाबदारी मतदारांनी घ्यावी, असे स्पष्ट आवाहन भाजप प्रदेशाध्यक्ष रवींद्र चव्हाण यांनी केले.
उरण नगरपरिषदेच्या नगराध्यक्षपदी भावना घाणेकरउरण नगरपरिषदेवर राष्ट्रवादी काँग्रेस शरदचंद्र पवार पक्षाचा झेंडा फडकला असून नगराध्यक्षपदी भावना घाणेकर विजयी झाल्या आहेत.या नगर परिषद निवडणुकीदरम्यान उरणचे भाजप आमदार बादली व शरद पवार पक्षाचे भिवंडी लोकसभा खासदार सुरेश म्हात्रे उर्फ बाळ्या मामा या दोघांमध्ये टोकाचा वाद झाला होता.या दोन्ही नेत्यांकडून एकमेकांना आव्हान देण्यात आले होते.
भाजप ठरला सर्वात मोठा पक्ष, 117 नगराध्यक्ष विजयनगरपरिषद, नगरपंचायत निवडणुकीत भाजप सर्वात मोठा पक्ष ठरला आहे. भाजपचे 117 जागांवर नगराध्यक्ष विजयी झाले आहेत. तर, एकनाथ शिंदेंच्या शिवसेनेचे 53, अजित पवारांची राष्ट्रवादी 37 तसेच काँग्रेस 28, ठाकरेंची शिवसेना 9, शरद पवारांचे राष्ट्रवादीची 7 नगराध्यक्ष विजयी झाले.
