சிங்கப்பூரைச் சேர்ந்த 28 வயது இளைஞர் ஒருவர், பெரும் பதவிகளில் இருக்கும் உறவினர்களைக் கொண்ட ஒரு உயர் சமூகக் குடும்பத்தில் வளர்ந்தவர். ஆனால், அவரால் படிப்பிலும் வேலையிலும் தனது குடும்பத்தினர் எதிர்பார்த்த வெற்றியைப் பெற முடியவில்லை. சமீபத்தில் அவர் தனது வேலையையும் இழந்தார். இதனால் ஆத்திரமடைந்த அவரது பெற்றோர், “உன்னால் உறவினர்களைச் சந்திக்கவே எங்களுக்கு வெட்கமாக இருக்கிறது” என்று கூறி, இந்த ஆண்டு குடும்பமாகச் சேர்ந்து கொண்டாட வேண்டிய கிறிஸ்துமஸ் விழாக்கள் அனைத்தையும் ரத்து செய்துவிட்டனர்.

தன்னைவிடச் சிறப்பாகச் செயல்படும் உடன் பிறந்தவர்கள் மற்றும் உறவினர்களுடன் ஒப்பிட்டுப் பெற்றோர் திட்டுவதால், அந்த இளைஞர் கடுமையான மன உளைச்சலுக்கு ஆளாகியுள்ளார். தான் பல்கலைக்கழகத்தில் படிக்கும் போதிருந்தே மன அழுத்தம் மற்றும் பதற்றத்தால் பாதிக்கப்பட்டுள்ளதாகவும், வேலையிழந்த பிறகு அது இன்னும் மோசமாகிவிட்டதாகவும் அவர் உருக்கமாகத் தெரிவித்துள்ளார். தனது தோல்விக்காகத் தனது பெற்றோர் தன்னை இவ்வளவு கேவலமாக நடத்துவார்கள் என்று தான் எதிர்பார்க்கவில்லை என அவர் வேதனைப்படுகிறார்.

How do you manage high expectations from your family?
byu/Special-Subject-8610 inaskSingapore

இந்தச் செய்தியை சமூக வலைத்தளத்தில் பகிர்ந்த இளைஞருக்குப் பலரும் ஆதரவு தெரிவித்து வருகின்றனர். கடினமான நேரத்தில் மகனுக்குப் பக்கபலமாக இருக்க வேண்டிய பெற்றோர், கௌரவத்திற்காக அவரைத் தனிமைப்படுத்துவது மிகவும் தவறான செயல் என்று பலரும் விமர்சித்துள்ளனர். “உங்கள் மதிப்பு உங்கள் வேலையில் இல்லை” என்று அவருக்கு ஆறுதல் கூறி வரும் மக்கள், நச்சுத்தன்மையான (Toxic) அந்தச் சூழலில் இருந்து அவரைத் தற்காத்துக் கொள்ளுமாறு அறிவுறுத்தி வருகின்றனர்.