प्रशासनाने दिलेल्या माहितीनुसार, गेल्या दोन-तीन दिवसांत भागीरथपुरा परिसरातील ४० हजारांहून अधिक नागरिकांची आरोग्य तपासणी (स्क्रीनिंग) करण्यात आली आहे. त्यापैकी २ हजार ४५६ संशयित रुग्णांमध्ये लक्षणे दिसून आली असून २१२ रुग्णांना रुग्णालयात दाखल करण्यात आले होते. यातील ५० रुग्ण आता पूर्णपणे बरे होऊन घरी परतले असून १६२ जणांवर अद्याप उपचार सुरू आहेत.

बहुतांश रुग्णांची प्रकृती स्थिर असल्याची माहिती मुख्यमंत्र्यांनी दिली. या दुर्घटनेला कारणीभूत ठरलेल्या आणि कर्तव्यात कसूर करणाऱ्या झोन क्रमांक ४ च्या झोनल अधिकाऱ्यासह दोन अभियंत्यांना निलंबित करण्यात आले आहे, तर एका उपअभियंत्याला थेट सेवेतून बडतर्फ करण्यात आले आहे.