Why Rishabh Pant is not playing IND vs NZ 1st ODI? भारत-न्यूझीलंड यांच्यातल्या वन डे मालिकेला ११ जानेवारीपासून सुरुवात होत आहे. वडोदरात होणाऱ्या या सामन्यातून रोहित शर्मा व विराट कोहली पुन्हा एकदा निळ्या जर्सीत दिसणार आहे. ही मालिका २०२७ च्या वर्ल्ड कप स्पर्धेच्या दृष्टीने महत्त्वाची आहे, कारण त्या स्पर्धेपर्यंत भारताला १८ वन डे सामने खेळायला मिळणार आहे. त्यामुळेच संघ व्यवस्थापन आतापासून संघबांधणीवर भर देणार आहे. त्यात प्लेइंग इलेव्हनमध्ये कुणाला संधी मिळतेय, याची उत्सुकता सर्वांना लागली आहे.

रोहित, विराट हे सीनियर खेळाडू संघात असल्याने त्यांचे प्लेइंग इलेव्हनमध्ये असणे निश्चित आहे. कर्णधार शुभमन गिल आणि उप कर्णधार श्रेयस अय्यर पुनरागमन करणार असल्याने तेही ११ मध्ये असतीलच. पण, उर्वरित ७ जागांसाठी चुरस पाहायला मिळणार आहे. रोहित व शुभमन ही जोडी सलामीला निश्चित असल्याने यशस्वी जैस्वालला अंतिम ११ मध्ये स्थान मिळणे अवघड आहे. त्याने दक्षिण आफ्रिकेविरुद्धच्या वन डे मालिकेत शतक झळकावले असले तरी शुभमनच्या पुनरागमनाने त्याला संघाबाहेर बसावे लागेल.

त्यानंतर श्रेयस मधल्या फळीत आहेतच.. रिषभ पंतही बऱ्याच दिवसांनी वन डे संघात परतला आहे, परंतु केएल राहुल संघात असताना त्यालाही संधी मिळू शकत नाही. KL Rahul यष्टिरक्षक-फलंदाजीची जबाबदारी सक्षमपणे पार पाडतोय. विराटमुळे मधली फळी अधिक सक्षम होतेय.. तो सध्या चांगल्या फॉर्मात आहे.