7 फेब्रुवारीपासून व्हॅलेंटाईन वीक सुरू झाला आहे आणि 14 तारखेला व्हॅलेंटाईन डे साजरा केला जाईल. तसेच प्रत्येकजण हा दिवस त्यांच्या पद्धतीने साजर करत असतो. अनेकजण त्यांचं प्रेम व्यक्त करण्यासाठी विविध प्रकारचे भेटवस्तू आणि खास डेटचे नियोजन करतात. तर या दिवसांमध्ये खास दिवसावे यासाठी अनेकजण कपड्यांपासून ते ॲक्सेसरीपर्यंत सर्व काही खरेदी करत असतात. त्यासोबतच व्हॅलेंटाईन वीकमध्ये आकर्षक दिसण्यासाठी त्‍वचेची देखील काळजी घेत असतो. तर या व्हॅलेंटाईन डे वर सुंदर दिसायचे असेल तर आजच्या लेखात आपण अशा एका नॅचरल पद्धतीने नैसर्गिक घटकांपासून बनवलेल्या फेसपॅक बद्दल जाणून घेऊयात.

नाईट स्किन केअर

रात्रीच्या वेळी त्वचेची काळजी घेण्याची दिनचर्या कधीही वगळू नका. रात्री तुमचा चेहरा दोनदा स्वच्छ करा. तुमच्या त्वचेच्या प्रकारासाठी योग्य असलेल्या फेस वॉशने चेहरा धुवा, नंतर क्लींजिंग मिल्क वापरा. ​​त्यानंतर टोनर आणि मॉइश्चरायझर लावा. तसेच तज्ञांनी शिफारस केल्यानुसार सीरम खरेदी करून झोपण्यापूर्वी दररोज त्वचेला लावा.

व्हॅलेंटाईन डेला अजून 10 दिवस आहेत. त्यामुळे तुम्ही तुमची त्वचा एक्सफोलिएट करू शकता. तुमचे त्वचेवरील छिद्र साफ करण्यासाठी आणि त्यातील मृत त्वचा काढून टाकण्यासाठी हलका स्क्रब वापरा. ​​त्वचेच्या काळजीसोबतच तुमचे हात आणि पायांच्या त्वचेकडेही दुर्लक्ष करू नका. तुमच्या चेहऱ्यासह तुमचे हात आणि पाय स्क्रब, क्लींज आणि मॉइश्चरायझर करा.

चमकदार आणि तेजस्वी त्वचा मिळविण्याच्या उद्देशाने बनवलेल्या या फेस पॅकमधील घटकांचा वापर शतकानुशतके स्किन केअरसाठी केला जात आहे, त्यामुळे त्वचेवर कोणतेही दुष्परिणाम होणार नाही.

तर फेसपॅक बनवण्यासाठी 1 चमचा बेसन, 1 चमचा दही, 1-2 चिमूटभर हळद, 1/2 चमचा गुलाबपाणी आणि 1/2 चमचा चंदन पावडर घ्या आणि सर्व मिश्रण एकत्र करा. गुळगुळीत पेस्ट तयार करा

तुम्ही हा फेस पॅक दररोज किंवा एक दिवसानंतर लावू शकता. हा नैसर्गिक फेसपॅक चेहऱ्यापासून मानेपर्यंत लावा आणि 20 ते 25 मिनिटे तसेच राहू द्या. जेव्हा हा फेसपॅक सुकला आहे असे जाणवल्यास गोलाकार हालचालीत हलक्या हातांनी स्वच्छ धुवा. फेस पॅक साफ करताना तुम्ही थोडे दूधाचा वापर करू शकता.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)