சூரி நடித்து கடந்த ஆண்டு மாமன் திரைப்படம் கமர்சியல் வெற்றிபெற்றது. தற்போது சூரி மண்டாடி படத்தில் நடித்து வருகிறார். தமிழ் மற்றும் தெலுங்கில் இப்படம் உருவாகி வருகிறது. இதனைத் தொடர்ந்து சூரியின் அடுத்த படத்தை இயக்குநர் ரவிகுமார் இயக்கவிருப்பதாக தகவல்கள் வெளியாகியுள்ளன. இவர் இன்று நேற்று நாளை, அயலான் ஆகிய படங்களை இதற்கு முன்பு இயக்கியுள்ளார். மைத்ரி மூவி மேக்கர்ஸ் இப்படத்தை தயாரிக்க உள்ளது.
வெற்றிமாறனின் விடுதலை படத்தின் மூலம் நகைச்சுவை நடிகரில் இருந்து நாயகனாக அப்டேட் ஆனார் நடிகர் சூரி. இந்த படத்திற்கு பின் சூரி மறுபடியும் நகைச்சுவை ரோல்களுக்கே திரும்புவார் என்று எதிர்பார்க்கப்பட்ட நிலையில் தொடர்ச்சியாக நாயகனாக நடிக்க முடிவு செய்தார் சூரி. துரைசெந்தில் குமார் இயக்கத்தில் சூரி சசிகுமார் நடித்த கருடன் திரைப்படம் வசூல் ரீதியாக பெரும் வெற்றிபெற்றது. சிவகார்த்திகேயன் தயாரிப்பில் பி.எஸ் வினோத்ராஜ் இயக்கத்தில் வெளியான கொட்டுக்காளி விமர்சன ரீதியாக பாராட்டுக்களைப் பெற்றாலும் வசூல் ஈட்டவில்லை. கடந்த ஆண்டு வெளியான மாமன் திரைப்படம் தமிழ்நாட்டில் மட்டும் 45 கோடி வரை வசூல் செய்தது. அடுத்தடுத்து தனக்கேற்ற கதைகளை தேர்வு செய்து நடித்து வருகிறார் .
தற்போது சூரி மதிமாறன் புகழேந்தி இயக்கத்தில் மண்டாடி படத்தில் நடித்து வருகிறார். தெலுங்கு நடிகர் சுஹாஸ் இப்படத்தில் முக்கிய கதாபாத்திரத்தில் நடிக்கிறார். ஆர்.எஸ் இன்ஃபோடெயின்மெண்ட் இப்படத்தை தயாரிக்கிறது. ஜிவி பிரகாஷ் குமார் படத்திற்கு இசையமைக்கிறார். இதனைத் தொடர்ந்து சூரியின் அடுத்த படத்தை இயக்குநர் ரவிகுமார் இயக்கவிருப்பதாக தகவல்கள் வெளியாகியுள்ளன. இவர் இன்று நேற்று நாளை, அயலான் ஆகிய படங்களை இதற்கு முன்பு இயக்கியுள்ளார். மைத்ரி மூவி மேக்கர்ஸ் இப்படத்தை தயாரிக்க உள்ளது.
