भारताचा स्टार क्रिकेटपटू विराट कोहलीकडे सध्या वनडे मालिका नसल्याने मोकळा वेळ आहे. यादरम्यान तो लंडनमध्ये त्याच्या कुटुंबासमवेत आहे. नुकताच त्याचा एक व्हिडिओ व्हायरल झाला असून तो त्याच्या मुलासोबत फिरताना दिसत आहे.

विराट कोहली (Virat Kohli) गेल्या काही वर्षांपासून कुटुंबासह लंडनमध्ये स्थायिक झाला आहे. पण असे असले तरी तो बऱ्याचदा भारतात येत असतो. काही दिवसांपूर्वीच तो आणि अनुष्का भारतात होते. पण आता ते पुन्हा लंडनमध्ये परतले आहेत. त्यामुळे सध्या विराट त्याच्या कुटुंबासोबत वेळ घालवताना दिसत आहे.

३७ वर्षीय विराट लंडनमध्ये त्याचा दोन वर्षाचा मुलगा अकायसोबत (Akaay) लंडनच्या रस्त्यांवर (London Streets) फिरताना दिसला होता. यावेळी अकाय त्याचे बोट धरून चालत होता, त्यावेळी तेथील काही स्थानिकांशी बोलताना दिसला. यावेळी तो प्रेमाणे अकायच्या डोक्यावर हात फिरवतानाही दिसला होता. या क्षणांचा व्हिडिओ सध्या व्हायरल (Video Viral) झाला आहे.

या व्हिडिओवर अनेक प्रतिक्रिया येत आहेत. काहींनी 'खूप क्यूट' व्हिडिओ असल्याचे म्हटले आहे, तर काहींनी म्हटले आहे की अकाय किती लवकर मोठा झाला आहे. तर काहिंनी तेथील लोक विराटला रस्त्यांवर फिरताना सेल्फी किंवा ऑटोग्राफसाठी त्रास देत नसल्याकडेही लक्ष वेधले आहे.