नोरा 1990 च्या दशकात कुवेतमध्ये खूप लोकप्रिय गायिका होती. तिचा स्वतःचा बँड होता आणि विशेषत: अरबी लग्नांमध्ये गाण्यासाठी ती प्रसिद्ध होती. अरबी संस्कृतीत, कोणत्या गायकाला लग्नासाठी आमंत्रित केले गेले होते यावर कुटुंबाची स्थिती निश्चित केली गेली. त्यामुळे नोराचे शेड्युल नेहमीच व्यस्त असायचे. 1997 मध्ये एका रात्री, नोरा तिच्या हॉटेलच्या खोलीत होती तेव्हा तिला एका अनोळखी व्यक्तीचा फोन आला. त्याने तिला आपल्या मुलीच्या लग्नात गाण्यास सांगितले. नोराने सुरुवातीला नकार दिला कारण ती खूप थकली होती, परंतु त्या व्यक्तीने तिला तिच्या नियमित शुल्काच्या 10 ते 11 पट देण्याचे मान्य केले. एवढी मोठी रक्कम पाहून नोरा जाण्यास तयार झाली.
ठरल्याप्रमाणे नोरा आणि तिच्या टीमला घेण्यासाठी काही गाड्या आल्या. गाड्या त्यांना शहरापासून दूर वाळवंटाच्या मध्यभागी घेऊन गेल्या. नोरा तिथे गेल्यावर थक्क झाली; कारण तिथे खूप मोठा आणि दैदिप्यमान महाल उभा होता. नोराच्या आश्चर्याची गोष्ट म्हणजे ती इतकी वर्षे कुवेतमध्ये राहूनही तिने वाळवंटात इतका मोठा महाल कधीच पाहिला नव्हता. महालात प्रवेश करताच नोराला काहीतरी वेगळं वाटलं. तिथली ऊर्जा नकारात्मक होती. उपस्थित लोकांनी फार जुने अरबी कपडे घातले होते आणि त्यांची भाषाही खूप जुनी (प्राचीन अरबी) होती.
जेव्हा लग्नात नृत्य सुरू झाले तेव्हा नोराने पाहिले की 300-400 लोक एकाच वेळी फिरत आहेत, जवळजवळ रोबोटिकरित्या सिंक्रोनाइझ केलेले. जणू ते सर्व एकाच मेंदूने चालतात. मध्यरात्री अचानक वाड्यातील सर्व दिवे गेले. काही सेकंद पूर्ण अंधार झाला होता. पुन्हा उजेड झाल्यावर नोराच्या टीममधील 'सलमा' नावाच्या मुलीने खाली जमिनीकडे पाहिले आणि किंचाळली. नाचणाऱ्यांचे पाय माणसांचे नसून शेळीचे खुर होते. इस्लामिक आणि मध्य पूर्वेतील लोककथेनुसार, मानवी रूपातील जिनांना त्यांच्या पायांनी ओळखले जाते, कारण त्यांचे पाय बोकडांसारखे असतात.
भीतीने थरथर कापत नोरा आणि तिची टीम त्यांची वाद्ये तिथेच सोडून बाहेर धावली. जिन्न त्यांच्या मागे धावू लागले. कसे तरी ते त्यांच्या कारमध्ये बसले आणि तेथून शहराच्या दिशेने पळून गेले. दुसऱ्या दिवशी नोरा पोलिसांसह त्या ठिकाणी पोहोचली. पण राजवाडा नव्हता, लोक नव्हते. फक्त मैलांचे वाळवंट होते. आश्चर्याची गोष्ट म्हणजे, जमिनीवर त्यांच्या गाडीच्या टायरच्या खुणा होत्या, ज्यावरून ते तिथे नक्कीच होते हे सिद्ध होते. महत्त्वाचं म्हणजे नोराला 10 ते 12 पट पैसे मिळतील असं आश्वासन प्रत्यक्षात तिला मिळालं.
