இன்று சந்திரன் கன்னி ராசியில் சஞ்சரிக்கிறார். குரு பகவான் மற்றும் புதனின் ஆதிக்கம் நிறைந்த இந்நாளில், அறிவுப்பூர்வமான செயல்கள் வெற்றி தரும்.
மேஷம்: இன்று உங்களுக்குச் சோதனைகளைத் தாண்டிய சாதனைகள் காத்திருக்கின்றன. எதிர்ப்புகள் விலகும். உத்தியோகத்தில் சக ஊழியர்களின் ஒத்துழைப்பு கிடைக்கும். ஆரோக்கியத்தில் மட்டும் சிறு அக்கறை தேவை. புதிய முதலீடுகளை ஒருமுறைக்கு இருமுறை யோசித்துச் செய்யவும். பங்குச்சந்தை நஷ்டம் தரும்.முதலீடுகளுக்கான நேரம் இதுவல்ல.
ரிஷபம் : குடும்பத்தில் மகிழ்ச்சியான சூழல் நிலவும். நீண்ட நாள் ஆசை ஒன்று நிறைவேற வாய்ப்புள்ளது. பிள்ளைகள் மூலம் பெருமை சேரும். கலைத்துறையினருக்குப் புதிய வாய்ப்புகள் கதவைத் தட்டும். வீண் விவாதங்களைத் தவிர்ப்பது நிம்மதி தரும்.
மிதுனம்: புதிய முயற்சிகள் கைகூடும். உறவினர்களுடன் இருந்த மனக்கசப்புகள் நீங்கும். சொத்து சம்பந்தமான இழுபறிகள் முடிவுக்கு வரும். வெளிவட்டாரத்தில் உங்கள் மதிப்பும் மரியாதையும் உயரும். வாகனங்களில் செல்லும்போது வேகம் தவிர்க்கவும்.
கடகம்: இன்று உங்களுக்குத் தன்னம்பிக்கை அதிகரிக்கும் நாள். தைரியமான முடிவுகளை எடுப்பீர்கள். சகோதர வழியில் அனுகூலம் உண்டாகும். குறுகிய காலப் பயணங்கள் லாபகரமாக அமையும். மற்றவர்களுக்கு ஜாமீன் கையெழுத்து போடுவதைத் தவிர்க்கவும்.
சிம்மம்: பணப்புழக்கம் திருப்திகரமாக இருக்கும். கொடுத்த கடன்கள் வசூலாகும். சுப நிகழ்ச்சிகளில் பங்கேற்பீர்கள். வியாபாரத்தில் புதிய வாடிக்கையாளர்கள் அறிமுகமாவார்கள். பேச்சில் நிதானத்தைக் கடைப்பிடிக்கவும்.
கன்னி : சந்திரன் உங்கள் ராசியிலேயே இருப்பதால் மனக்குழப்பங்கள் நீங்கி தெளிவு பிறக்கும். எடுத்த காரியத்தைச் செவ்வனே முடிப்பீர்கள். அரசு வழியில் எதிர்பார்த்த உதவிகள் வந்து சேரும். திட்டமிட்டுச் செயல்படுவது வெற்றியைத் தரும்.
துலாம்: தேவையற்ற அலைச்சல்கள் ஏற்படலாம். சுப விரயங்கள் உண்டாகும். வெளியூர் பயணங்களின் போது ஆவணங்களைச் சரியாக வைத்திருக்கவும். ஆன்மீக நாட்டம் அதிகரிக்கும். முதலீடுகளில் அவசரம் காட்ட வேண்டாம்.
விருச்சிகம்: லாபகரமான நாள். தொட்டதெல்லாம் துலங்கும். நண்பர்கள் பக்கபலமாக இருப்பார்கள். நீண்ட காலத் திட்டங்களுக்கு இன்று அடித்தளம் போடுவீர்கள். பெரியவர்களின் ஆலோசனையைக் கேட்டு நடப்பது நல்லது.
தனுசு : வேலை தேடுபவர்களுக்கு நல்ல செய்தி வரும். தொழிலில் எதிர்பார்த்ததை விட லாபம் அதிகரிக்கும். தந்தையின் உடல்நிலையில் முன்னேற்றம் ஏற்படும். கௌரவப் பதவிகள் தேடி வரும். கடன் கொடுப்பதைத் தவிர்க்கவும்.
மகரம்: பாக்கியங்கள் பெருகும் நாள். வெளிநாட்டுப் பயணம் செல்ல முயல்பவர்களுக்குச் சாதகமான சூழல் நிலவும். குலதெய்வ வழிபாடு மன அமைதியைத் தரும். உயர்கல்வியில் ஆர்வம் கூடும். உணவு விஷயத்தில் கட்டுப்பாடு அவசியம்.
கும்பம் : இன்று உங்களுக்குச் சந்திராஷ்டமம் நீடிப்பதால் சற்று விழிப்புடன் இருக்க வேண்டும். புதிய வேலைகளைத் தள்ளிப் போடுவது நல்லது. தேவையற்ற மன உளைச்சல்கள் வரக்கூடும். மௌனம் காப்பது மற்றும் பொறுமையாக இருப்பது உங்களைக் காக்கும்.
மீனம் : திருமண முயற்சிகளில் முன்னேற்றம் இருக்கும். வாழ்க்கைத்துணையுடன் இருந்து வந்த கருத்து வேறுபாடுகள் மறையும். கூட்டுத் தொழிலில் நல்ல லாபம் கிடைக்கும். நண்பர்களிடம் அதிக ரகசியங்களைப் பகிர வேண்டாம்.
