मुंबई : अमेरिका, इस्रायल आणि इराण यांच्यात सुरू असलेल्या भीषण जागतिक स्तरावर कच्च्या तेलाच्या आणि ऊर्जेच्या किमती गगनाला भिडल्या आहेत. याचे थेट परिणाम आता भारतीय ग्राहकांवर दिसू लागले आहेत. इंडियन ऑइल कॉर्पोरेशनने (IOC) दिलेल्या माहितीनुसार, घरगुती (१४.२ किलो) आणि व्यावसायिक (१९ किलो) गॅस सिलिंडरच्या दरात आजपासून मोठी वाढ लागू झाली आहे.

घरगुती गॅस सिलिंडरच्या किमतीत बदलजवळपास एका वर्षानंतर घरगुती गॅसच्या दरात बदल झाला आहे. यापूर्वी ८ एप्रिल २०२५ रोजी किमती ५० रुपयांनी वाढल्या होत्या. ताज्या वाढीनंतर दिल्लीत विनाअनुदानित सिलिंडरची किंमत ६० रुपयांनी वाढून ९१३ रुपये झाली आहे.

• मुंबई: ९१२.५० रुपये
• कोलकाता: ९३९ रुपये
• चेन्नई: ९२८.५० रुपये

उज्ज्वला लाभार्थींना दिलासाकिमती वाढल्या असल्या तरी, प्रधानमंत्री उज्ज्वला योजनेच्या १० कोटींहून अधिक लाभार्थ्यांना केंद्र सरकारकडून मिळणारी ३०० रुपयांची सबसिडी (वर्षाला १२ रिफिलपर्यंत) सुरूच राहणार आहे. यामुळे गरीब कुटुंबांवरील आर्थिक भार मर्यादित राहील.

व्यावसायिक सिलिंडरचा भडकाहॉटेल आणि रेस्टॉरंट व्यवसायासाठी वापरल्या जाणाऱ्या १९ किलोच्या व्यावसायिक सिलिंडरच्या दरात तब्बल ११४.५ रुपयांची वाढ करण्यात आली आहे. गेल्या तीन महिन्यांतील ही चौथी दरवाढ आहे. यामुळे बाहेरचे जेवण आणि हॉटेलिंग महागण्याची शक्यता आहे.

• नवी दिल्लीतील नवीन दर: १८८३ रुपये
• मुंबईतील नवीन दर: १८३५ रुपये

युद्धाचा जागतिक परिणाम२८ फेब्रुवारी २०२६ रोजी इराणवर झालेल्या हल्ल्यांनंतर मध्य पूर्वेतील शिगेला पोहोचला आहे. अमेरिकेचे राष्ट्राध्यक्ष डोनाल्ड ट्रम्प यांनी इराणच्या शरणागतीची मागणी केल्यामुळे हा संघर्ष लांबण्याची चिन्हे आहेत. या भूराजकीय अस्थिरतेमुळेच इंधन कंपन्यांना दरवाढ करणे भाग पडले आहे. मात्र, तरीही शेजारील देशांच्या तुलनेत भारतातील गॅसचे दर अद्याप कमी असल्याचे उद्योग तज्ज्ञांचे म्हणणे आहे.