नवी दिल्ली, ७ मार्च. केंद्र सरकारने घरगुती स्वयंपाकाच्या गॅसच्या (एलपीजी) दरात 60 रुपयांनी वाढ केली आहे. आता दिल्लीत 14.2 किलोचा घरगुती गॅस सिलिंडर 913 रुपयांना मिळणार आहे, तर आधी त्याची किंमत 853 रुपये होती. यासोबतच 19 किलोच्या व्यावसायिक गॅस सिलिंडरच्या किमतीतही 115 रुपयांची वाढ करण्यात आली आहे. याआधी 18 मार्चपासून नवीन किंमत 18 ते 7 रुपयांवर आली आहे. 8, 2025 रोजी सरकारने घरगुती गॅस सिलिंडरच्या दरात 50 रुपयांची वाढ केली होती. म्हणजेच जवळपास वर्षभरानंतर पुन्हा घरगुती गॅसच्या दरात वाढ करण्यात आली आहे.

तर 1 मार्च 2026 रोजी व्यावसायिक गॅस सिलिंडरच्या किमतीत सुमारे 31 रुपयांनी वाढ करण्यात आली होती. मध्यपूर्वेतील वाढत्या तणावामुळे गॅस पुरवठ्यावर परिणाम होण्याची शक्यता असताना सरकारने गॅसच्या दरात वाढ केली आहे. अमेरिका, इस्रायल आणि इराण यांच्यात सुरू असलेल्या संघर्षामुळे जागतिक ऊर्जा बाजारात अनिश्चितता वाढली आहे. या संभाव्य संकटाच्या पार्श्वभूमीवर सरकारने 5 मार्च रोजी आणीबाणीच्या अधिकारांचा वापर करून देशातील सर्व तेल शुद्धीकरण कंपन्यांना एलपीजी उत्पादन वाढवण्याचे निर्देश दिले आहेत.

या आदेशानुसार आता रिफायनरीज स्वयंपाकाचा गॅस तयार करण्यासाठी प्रोपेन आणि ब्युटेनचा वापर करतील. तसेच सर्व कंपन्यांना सरकारी तेल कंपन्यांना प्रोपेन आणि ब्युटेनचा पुरवठा करण्यास सांगितले आहे. यामध्ये इंडियन ऑईल, हिंदुस्थान पेट्रोलियम आणि भारत पेट्रोलियम यांचा समावेश आहे. देशातील ग्राहकांना कोणत्याही व्यत्ययाशिवाय गॅस सिलिंडरचा पुरवठा सुरू राहावा, हा सरकारचा उद्देश आहे.