Dhurandhar 2 Pre Sale Movie Premiere Record: 'धुरंधर 2: द रिवेंज' (Dhurandhar 2 The Revenge) हा 2026 मधला बहुप्रतिक्षित सिनेमा. आदित्य धर (Aditya Dhar) दिग्दर्शित आणि रणवीर सिंहची मुख्य भूमिका असलेल्या या सिनेमाची थेट भिडत सुरुवातीला 'टॉक्सिक'सोबत होणार होती. मात्र, साऊथ सुपरस्टार यशची मुख्य भूमिका असलेल्या सिनेमानं आपली रिलीज डेट पुढे ढकलली. त्यामुळे आता बॉक्स ऑफिसवरची (Box Office Collection) सर्वात मोठी टक्कर टळली आहे. अशातच 'धुरंधर 2'च्या निर्मात्यांनी 2025 मधल्या सर्वाधिक कमाई करणाऱ्या हिंदी सिनेमाच्या सीक्वेलचा ट्रेलर प्रदर्शित केला. बिग बजेट सिनेमाच्या चर्चा आणखी रंगवण्यासाठी निर्मात्यांनी सिनेमाचे 'पेड प्रिव्ह्यू' (सशुल्क पूर्व-दर्शने) नियोजित वेळेच्या एक दिवस आधीच, म्हणजेच 19 मार्चपासून सुरू होतील, अशी घोषणा केलीय.
'धुरंधर 2' विषयी चाहत्यांमध्ये एवढी प्रचंड क्रेझ दिसून येतेय की, त्याच्या 'पेड प्रिव्ह्यू' शोसाठी झालेल्या अॅडव्हान्स बुकिंगनं (Advance Booking) रेकॉर्डब्रेक केला आहे. या सिनेमानं कित्येक सुपरहिट सिनेमांच्या पहिल्या दिवसाच्या कमाईला अगदी सहज मागे टाकलं आहे. त्यामुळे एकंदरीतच 'पेड प्रिव्ह्यू'चा प्रतिसाद पाहता, असं दिसतंय की,'धुरंधर' प्रमाणेच 'धुरंधर 2'चा सिक्वेलही बॉक्स ऑफिसवर धुमाकूळ घालणार आहे.
'धुरंधर 2' सिनेमानं ट्रेलर प्रदर्शित झाल्यानंतर, 7 मार्च रोजी सकाळी 11:01 वाजता चित्रपटाच्या ॲडव्हान्स बुकिंगला सुरुवात झाली. बुकिंग सुरू झाल्यानंतर अवघ्या 24 तासांच्या आतच, केवळ BookMyShow या प्लॅटफॉर्मवर चित्रपटाची 87,000 तिकिटं विकली गेली. 9 मार्चच्या सकाळपर्यंत, हा आकडा याच प्लॅटफॉर्मवर 1,50,000 च्या वर पोहोचला होता आणि सर्व माध्यमांवर मिळून एकूण 2,00,000 चा टप्पा ओलांडून गेला होता.
View this post on Instagram
दरम्यान, 'Sacnilk' च्या माहितीनुसार, चित्रपटाच्या प्रिमियर शोजसाठी देशभरात 2,06,000 तिकिटं विकली गेली आहेत. ज्यातून 12.29 कोटी रुपयांची कमाई केली आहे. या एकूण कमाईचा मोठा हिस्सा जरी सिनेमाच्या मूळ हिंदी आवृत्तीतून आला असला, तरी चित्रपटाच्या तमिळ डब केलेल्या आवृत्तीनंही अपेक्षेपेक्षा चांगली कामगिरी केली आहे आणि प्रिव्ह्यू शोजमधून सुमारे 10 लाख रुपयांची कमाई केली आहे. 'धुरंधर 2' या सिनेमानं आता बॉलिवूडच्या प्रिमियर शोजमधून सर्वाधिक कमाई करण्याचा एक नवा विक्रम प्रस्थापित केला आहे. यापूर्वी 'स्त्री 2' या चित्रपटाच्या नावावर असलेला 10 कोटी रुपयांचा विक्रम या चित्रपटाने मोडीत काढला आहे. प्रीमियरला अजूनही नऊ दिवसांचा अवधी बाकी असल्यानं, हा कमाईचा आकडा आणखी वाढण्याची पूर्ण शक्यता वर्तवली जात आहे.
दरम्यान, 'धुरंधर 2'मध्ये रणवीर सिंह कराचीमधला एक भारतीय गुप्तहेर हमजा उर्फ जसकीरतच्या रुपात कमबॅक करत आहे. सीक्वलमध्ये हमजाची बॅकस्टोरी आणि 26/11 चा टेरर अटॅकसाठी ल्यारी गँग्सचा तो कसा बदला घेणार? हे दाखवलं आहे. फिल्ममध्ये अर्जुन रामपाल, संजय दत्त, आर माधवन, दानिश पंडोर, राकेश बेदी आणि सारा अर्जुनही कमबॅक करणार आहे. ही फिल्म 19 मार्च रोजी थिएटरमध्ये रिलीज होणार आहे.
