मुंबईच्या दहिसरमध्ये हिट अँड रनचा प्रकार

वाळूने भरलेल्या ट्रकने तीन पादचाऱ्यांना चिरडले

जखमींना रुग्णालयात उपचारासाठी दाखल करण्यात आले

संजय गडदे, साम टीव्ही

मुंबई पुन्हा हिट अँड रनची घटना घडली आहे. मुंबईच्या दहिसर रावलपाडा परिसरात अपघात घडली. दहीसर पूर्व येथील रावलपाडा परिसरात रेती कंपाऊंड परिसरात भरधाव ट्रकने तिघांना चिरडल्याच्या धक्कादायक घटना घडली आहे. अपघाताची घटना बुधवारी सांयकाळच्या सुमारास ही घटना घडली.

संध्याकाळी सातच्या सुमारास रावळपाडा रेती कंपाउंड परिसरात वाळूने भरलेली ट्रक कंपाउंडमधून बाहेर निघत असताना ट्रक चालकाचा ट्रकवरून नियंत्रण सुटला. त्यानंतर या ट्रकने रस्त्यावर पायी चालत जाणारे तीन जणांना चिराडल्याची घटना घडली. या अपघातात ट्रकच्या चाकाखाली येऊन तीन जण गंभीर जखमी झाले. या जखमींना जवळचा कांदिवली शताब्दी रुग्णालयमध्ये उपचारासाठी दाखल करण्यात आलं आहे.

अपघाताची माहिती मिळताच स्थानिक नागरिकांनी मोठे गर्दी केली. ट्रक चालकाच्या विरोधात कठोर कारवाई करण्याची मागणी केली जात आहे. तर दुसरीकडे अपघात झाल्यानंतर ट्रक चालक फरार झाला आहे. तो त्याच परिसरात राहणारा नागरिक असल्यामुळे पोलिसांनी अवघ्या काही मिनिटांमध्ये ताब्यात घेतला आहे. अपघात कशामुळे झाला, या संदर्भात पुढील तपास आरटीओ यांच्या तपासणीनंतर दहिसर पोलिसांकडून कारवाई केली जाणार आहे.

ठाण्यातील पाचपाखाडीमध्ये अपघाताची घटना घडली. कारची टेस्ट ड्राइव्ह करताना ताबा सुटला. त्यानंतर कार थेट ४० फूट खड्ड्यात कोसळल्याची घटना घडली आहे. या कारमध्ये एकूण तीन जण होते. या कारमधील जखमींना तातडीने दाखल करण्यात आले आहे.