स्वत:ला ज्योतिषी, अंकशास्त्रज्ञ म्हणवणारा , लोकांचं भविष्य सांगण्याचा दावा करणारा स्वयंघोषित कॅप्टन अशोक खरात (Ashok Kharat) याच्या कारनाम्यांनी अख्खा महाराष्ट्र सुन्न झाला आहे. त्याच्या एकेक कृत्यांची चर्चा फक्त संपूर्ण राज्यात नव्हे तर देशभरात सुरू आहे. त्याच्या सेक्स स्कँडलने लोकं अगदी हादरली आहे. थोरमोठे नेते, राजकारणी, सेलिब्रिटी यांची त्याच्याकडे ऊठबस असायची. महिलेवर अत्याचाराच्या आरोपाखील बुधवारी सकाळी त्याला अटक जाली आणि त्याच्या घरात, ऑफीसमध्ये छापे मारले. त्याच्या अटकेनंतर सापडलेल्या पेनड्राइव्हमध्ये कित्येक अश्लील व्हिडीओ असल्याची माहिती समोर आली आहे. न्यायालयाने खरात याला 24 मार्चपर्यंत पोलीस कोठडी ठोठावली आहे.

दरम्यान याप्रकरणाचा तपास जसजसा पुढ सरकत आहे, तसतशी लिंगपिसाट खरातच्या कारनाम्यांची धक्कादायक माहिती उघड होत चालली आहे. त्याने कॅनडा कॉर्नर परिसरातील ‘ओकस प्रॉपर्टीज’ या त्याच्या कार्यालयात अनेक महिलांना टार्गेट करत त्यांच्यावर अत्याचार केल्याचा संशय आहे.

खरातच्या लैंगिक शोषणाचा पॅटर्न उघड

तपासादरम्यान खरातच्या लैंगिक शोषणाचा पॅटर्न समोर आला आहे. त्याच्याकडे ज्या महिला यायच्या त्यांना तो कस भुलवायचा, त्यांचं शोषण कसं करायचा याचा उल्लेख FIR मध्ये असून त्यातूनच काही धक्कादायक माहिती उघड झाली आहे.

‘ मी कृष्णाचा अवतार, तू मागच्या जन्मातील माझी राधा ‘, कार्यालयात आलेल्या महिलेच्या डोक्यावर तांब्या-लोटा ठेऊन कॅप्टन खरात कानाजवळ हे शब्द पुटपुटायचा. त्या महिलेसोबत जी व्यक्ती यायची, त्यांना ध्यानस्थ पूजेच्या नावाखाली कॅबिन बाहेर बसवून ठेवायचा. खरात हा त्या महिलांना खायला पेढा द्यायचा आणि कडवट – खारट चव असलेलं पाणी त्यांना प्यायला द्यायचा. त्यानंतर तो पीडित महिलांना गायत्री मंत्री म्हणायला लावायचा आणि लागलीच स्पर्श करायला सुरुवात करायचा. आणि त्यानंतर महिलांना गुंगी आली की त्यांचं लैंगिक शोषण सुरू करायचा. कॅप्टन अशोक खरातच्या लैंगिक शोषणाचा हा पॅटर्न होता, अशी माहिती आता समोर आली आहे.

सध्या खरात हा नाशिक पोलिसांच्या ताब्यात असून 100 हुन अधिक लैंगिक शोषणाचे सीसीटीव्ही फुटेज असल्याची देखील माहिती समोर आली आहे.

खरातच्या नावावर आणखी एक मालमत्ता उघड

दरम्यान लैंगिक शोषण प्रकरणातील आरोपी कॅप्टन खरातबद्दल नवा खुलासा झाला आहे. भोंदू बाबा अशोक खरात याच्या नावावर शिर्डीत आणखी एक मालमत्ता असल्याचे उघड झाले आहे. 50 कोटींच्या जमिनीपाठोपाठ 5कोटींची आणखी जमीन समोर आली असून ही मालमत्ता पत्नीच्या नावे खरेदी केल्याचा आरोप आहे. शिर्डीत उद्योग,हॉटेल-लॉन्समध्ये निनावी भागीदारीची चर्चा आहे. ‘भोंदूबाबा’ खरातच्या संपत्तीचा वाढता आकडा समोर आला असून कोट्यवधींच्या मालमत्तेमुळे तपासाचा वेग वाढणार का ? असा प्रश्न उपस्थित होत आहे. आर्थिक व्यवहारांवरही चौकशी होण्याची शक्यता आहे.