लोणावळा नगरपरिषदेत तणाव वाढला असून नगराध्यक्ष राजेंद्र सोनावणे यांनी मुख्य कार्यकारी अधिकारी अशोक साबळे यांच्या कॅबिनला टाळे ठोकत निषेध नोंदवला. निवडणुकीनंतर तीन ते चार महिने उलटूनही मुख्य अधिकाऱ्यांकडून लोकप्रतिनिधींना अपेक्षित सहकार्य मिळत नसल्याचा आरोप करण्यात आला आहे. उपनगराध्यक्ष, नगरसेवक तसेच इतर लोकप्रतिनिधी यांनीही या कारवाईला पाठिंबा दिला आहे. प्रत्येक कामासाठी साहेबांना विचारावे लागेल, असे सांगितले जाते आणि नागरिकांची कामे प्रलंबित राहत असल्याचा आरोप करण्यात आला.
Pankja Munde : बीड जिल्हा प्रशासनाला दिले निर्देशराज्यात अवकाळी पावसानं धुमाकूळ घातलाय. गारपीट होत असल्यानं शेती पिकांचं मोठ्या प्रमाणात नुकसान होतं आहे. या नुकसानग्रस्त शेतकऱ्यांचे तातडीने पंचनामे करावेत असे निर्देश मंत्री पंकजा मुंडे यांनी दिले. त्यामुळे आता बीड जिल्हा प्रशासन कामाला लागले आहे.
Pune News : अशोक खरात प्रकरणी रुपाली चाकणकरांना सहआरोपी करा : संगीता तिवारीअशोक खरात प्रकरणी राज्य महिला आयोगाच्या अध्यक्षा रुपाली चाकणकरांना पदावरून हटविण्यात यावे, अशी मागणी सामाजिक कार्यकर्ते विजय कुंभार यांनी केली आहे. तसेच गुलाबो गॅंगच्या वतीने संगीता तिवारी यांच्या मार्गदर्शनाखाली रुपाली चाकणकर यांच्या विरोधात पुण्यातील अलका टाकीज चौकात आंदोलन करण्यात येत आहे. चाकणकरांना फक्त पदावरून हटवू नये, तर खरातप्रकरणी सहआरोपी करण्यात यावे, अशी मागणी संगीता तिवारी यांनी केली आहे.
Ashok Kharat : अशोक खरात याने अंनिसच्या कार्यकर्त्यांना पिस्तुलाची धमकीअशोक खरात याने आम्हाला पिस्तुलाची धमकी दिली होती. अंनिसच्या कार्यकर्त्यांनी तेजस्वी सातपुते यांची भेट घेऊन ही माहिती दिली आहे. पोलिसांना त्याबाबत तपासात मदत करण्यास तयार असल्याचेही अंनिच्या कार्यकर्त्यांनी सांगितले.
Ashok Kharat : अशोक खरातच्या पत्नीच्या नावे शिर्डीत मालमत्ताअशोक खरात याच्या पत्नीच्या नावे शिर्डीत मालमत्ता असल्याचे तपासात पुढे आले आहे. अनेक मोक्याच्या ठिकाणी त्याने जमिनी घेतल्याचेही सांगितले जात आहे.
Sunil Tatkare On Rupali Chakankar : अशोक खरात प्रकरणी रुपाली चाकणकर यांच्याबाबत योग्य वेळी अन् मला पाहिजे तेवढेच बोलेननाशिकच्या अशोक खरात प्रकरणी महिला आयोगाच्या अध्यक्षा रुपाली चाकणकर अडचणीत सापडल्या आहेत. त्याबाबत राष्ट्रवादी काँग्रेसचे प्रदेशाध्यक्ष सुनील तटकरे यांनी या प्रकरणात योग्यवेळी बोलेन आणि मला जेवढं बोलायचं आहे, तेवढंच बोलेन, अशी प्रतिक्रिया दिली आहे.
Satara ZP : कमी संख्याबळ असूनही साताऱ्यात जिल्हा परिषदेचा अध्यक्ष भाजपचासातारा जिल्हा परिषदेच्या अध्यक्षपदी भारतीय जनता पक्षाच्या प्रिया शिंदे आणि उपाध्यक्षपदी राजू भोसले यांची नाट्यमय घडामोडीनंतर निवड झाली आहे. त्यासाठी भारतीय जनता पक्षाने सर्व अस्त्रांचा वापर केल्याचे सांगितले जात आहे. विशेष म्हणजे भाजपने शिवसेना आमदार महेश शिंदे यांच्या पत्नीला उमेदवारी देऊन पद्धशीरपणे गेम खेळल्याचे दिसून येते. मात्र, मिनी मंत्रालयाच्या सत्तेच्या सारीपाटात राष्ट्रवादी काँग्रेसचा गेम कोणी केला, अशी चर्चा रंगली आहे.
DGCA चे विमान कंपन्यांना महत्वाचे आदेशDGCA ने पश्चिम आशियातील संघर्षाच्या पार्श्वभूमीवर भारतीय विमान कंपन्यांना महत्वाचे आदेश दिले आहे. बहारीन, इराण, इराक, इस्रायल, जॉर्डन, कुवेत, लेबनॉन, ओमान, कतार, यूएई आणि सौदी अरेबिया यांच्या प्रभावित हवाई क्षेत्रात उड्डाणे करू नयेत, अशा सूचना DGCA ने दिल्या आहेत.
चवदार तळे जलशुध्दीकरण प्रकल्पाचे भूमिपूजनरायगडमधील महाड येथे 'चवदार तळे जलशुध्दीकरण व परिसर सुशोभीकरण प्रकल्पा'चे भूमिपूजन व कोनशिला अनावरण मुख्यमंत्री देवेंद्र फडणवीस यांच्या हस्ते करण्यात आले. यावेळी केंद्रीय राज्यमंत्री रामदास आठवले, मंत्री उदय सामंत, मंत्री संजय शिरसाट, मंत्री आदिती तटकरे, मंत्री भरत गोगावले आदी उपस्थित होते.
Jayant Patil News : नुकसानग्रस्त शेतकऱ्यांना सरसकट मदत करांसंपूर्ण राज्यात झालेल्या अवकाळी पावसामुळे शेतकऱ्यांचे मोठ्या प्रमाणावर नुकसान झाले आहे. उभ्या पिकांचे, फळबागांचे तसेच काढणीस आलेल्या पिकांचेही नुकसान होऊन शेतकरी संकटात सापडला आहे. या पार्श्वभूमीवर राज्य शासनाने तात्काळ पंचनामे करून नुकसानग्रस्त शेतकऱ्यांना सरसकट आणि योग्य ती आर्थिक मदत जाहीर करावी, अशी मागणी राष्ट्रवादी काँग्रेस शरदचंद्र पवार पक्षाचे नेते जयंत पाटील यांनी केली आहे.
Ashok Kharat case : 'अंनिस' आक्रमकपोलिसांनी अटक केलेल्या भोंदूबाबा अशोक खरातविरोधात अंधश्रध्दा निर्मूल समितीही आक्रमक झाली आहे. समितीचे पदाधिकारी एसआयटी प्रमुखांच्या भेटीसाठी दाखल झाले आहेत.
चाकणकर फरार कशा होऊ शकतात?- तृप्ती देसाईरुपाली चाकणकर फरार असल्याचे पोस्ट रुपाली पाटील ठोंबरे यांनी केली होती. त्यानंतर सामाजिक कार्यकर्त्या तृप्ती देसाई म्हणाल्या की,रुपाली चाकणकर फरार कशा काय होऊ शकतील? त्यांच्यावर कोणताही गुन्हा दाखल नाही किंवा त्यांच्या विरोधात अटक वॉरंट नाही, परंतु माध्यमांसमोर येऊन सर्वकाही सत्य त्यांनी मांडले पाहिजे.
रुपाली चाकणकरांना नार्को टेस्ट करा - अंधारेमहिला आयोगाच्या अध्यक्षा रुपाली चाकणकर यांना अशोक खरातच्या सर्व गुन्ह्यांची माहिती होती. त्यांची नार्को टेस्ट झाली पाहिजे, अशी मागणी शिवसेना उद्धव बाळासाहेब ठाकरे पक्षाच्या खासदार सुषमा अंधारे यांनी केली आहे. तसेच चाकणकर यांनी तातडीने राजीनामा द्यावे, असे देखील त्यांनी म्हटले.
अशोक खरातच्या मध्यस्थीने सरकारी अधिकाऱ्यांच्या बदल्याअनेक बडे सरकारी अधिकारी अशोक खरातच्या दरबारात जात होते, असे वृत्त साम टिव्हीने दिले आहे. चॉईस पोस्टिंगसाठी, बदलीसाठी हे अधिकारी खरातकडे जात होते, तसेच कामांच्या बदल्यात खरातला जमिनीत गुंतवणुकीच्या स्वरूपात ‘दक्षिणा’ दिली जात असल्याचीही चर्चा आहे.
रुपाली चाकणकरांची तात्कळ हकालपट्टी करा - अंजली दमानियामहिला आयोगाच्या अध्यक्षा रुपाली चाकणकर यांची तात्काळ हकालपट्टी करा, अशी मागणी सामाजिक कार्यकर्त्या अंजली दमानिया यांनी केली आहे, दमानिया यांनी रुपाली चाकणकर यांचे अशोक खरात याच्यासोबतचे चार फोटो शेअर करत अशा Epstein बाबांवर इतकी मेहेरबानी ? ह्या महिला आयोगाच्या अध्यक्षा ? ह्या रुपाली चाकणकरांची तत्काळ पदावरून हकालपट्टी करा असे म्हटले आहे.
पावसाने शेतकरी अडचणीत, मदतीची मागणीअवकाळी पावसाने राज्यातील शेतकरी अडचणीत आले आहेत. या शेतकऱ्यांना मदत देण्याची मागणी आमदार रोहित पवार यांनी केली आहे. ते म्हणाले, नैसर्गिक संकट राज्यातील शेतकऱ्यांच्या कायमच पाचवीला पुजलं असून राज्यात गेल्या दोन दिवसांपासून झालेला अवकाळी पाऊस आणि गारपीटीमुळं छत्रपती संभाजीनगर, जालना, धाराशीव, कोल्हापूर, अकोला, सांगली, अहिल्यानगर, परभणी, बुलढाणा, नाशिकसह इतरही जिल्ह्यात गहू, ज्वारी, कांदा, द्राक्ष, कलिंगडसह अन्य पिकांचं अतोनात नुकसान झालं. हातातोंडाशी आलेला घास अवकाळीने हिरावला गेल्याने शेतकरी हवालददिल झाला आहे. या सर्व नुकसानीचे सरकारने तातडीने पंचनामे करुन शेतकऱ्यांना नुकसानभरपाई द्यावी, ही विनंती!
...तर महाराष्ट्रातील सरकार पडेलअशोक खरात प्रकरण हे महाराष्ट्रातील एपिस्टीन फाईल प्रकरणापेक्षाही भयंकर प्रकरण आहेत. जर पोलिसांनी 58 व्हिडिओ समोर आणले तर महाराष्ट्रातील सरकार कोसळेल, असा दावा संजय राऊत यांनी केला आहे.
रुपाली चाकणकर फरारअशोक खरात प्रकरणामुळे महिला आयोगाच्या अध्यक्षा रुपाली चाकणकर यांच्या राजीनाम्याच्या मागणी होत आहे. त्यातच राष्ट्रवादी काँग्रेसमधील रुपाली पाटील ठोंबरे यांनी महिला आयोगाच्या अध्यक्षा रुपाली चाकणकर फरार, बजाव टाली, अशी फेसबूकवर पोस्ट केली आहे.
आम्हाला डांबून ठेवलं, निकम यांचा दानवेंवर आरोपअंबादास दानवे यांनी परस्पर आमचा सौदा केला. चार दिवस आम्हाला डांबून ठेवलं, आम्ही कुठलीही गद्दारी केली नाही, की भाजपाशी हातमिळवणी केली नाही, असा दावा शिवसेना उद्धव बाळासाहेब ठाकरे पक्षाचे जिल्हा परिषद सदस्य संजय निकम यांनी केला.
अशोक खरातच्या कुटुंबीयांची मुजोरी, पत्रकारावर फेकल्या चपल्याअशोक खरात या अत्याचारी भोंदू बाबाच्या कुटुंबीयांनी मुजोरीची परिसीमा गाठली आहे. त्यांच्या आलिशान बंगल्यातून बाहेरील पत्रकारांवर चपलांचा मारा करत पत्रकारांना कुत्र्याचा धाक दाखवायचा प्रकार खरात कुटुंबीयांनी केला आहे, या विषयी ट्विट करत काँग्रेस नेते विजय वडेट्टीवार यांनी खरात कुटुंबीयांवर कारवाई करण्याची मागणी केली आहे.
