Beed Kej Crime : बीडच्या केज (Kej Crime) तालुक्यातील युसुफ वडगाव येथे एक खळबळजनक घटना घडली आहे. युसुफ वडगाव पोलीस ठाणे (Vadgaon Police Station) हद्दीतील एका गावात 19 वर्षीय तरुणीवर पाच महिन्यांपूर्वी तीच्या 50 वर्षीय चुलत चुलत्याने अत्याचार केल्याचा संतापजनक प्रकार घडलाय. पाण्यात गुंगीचे औषध देऊन हा अत्याचार केल्याचं उघड झालं आहे. दरम्यान, इतक्यावरच आरोपी थांबला नाही, तर त्याने यानंतर त्या तरुणीला जीवे मारण्याची धमकीही दिली.
Kej Crime News : पाण्यात गुंगीचे औषध देऊन विवाहित पुतणीवर लैंगिक अत्याचार, आरोपी फरार
दरम्यान, यानंतर तरुणीचा पंधरा ते वीस दिवसातच विवाह झाला. तीन दिवसांपूर्वी ती गावाकडे आली होती. यानंतर तिने आजवर घडलेला सर्व प्रकार कुटुंबीयांना सांगितला. यानंतर पिडीतेच्या कुटुंबीयांनी पोलीस स्टेशन गाठलं. पीडित तरुणीने दिलेल्या तक्रारीवरून शनिवारी रात्री युसुफ वडगाव पोलीस ठाण्यात गुन्हा दाखल करण्यात आला आहे. सध्या घटनेतील आरोपी फरार असून पोलिसांकडून त्याचा शोध घेतला जात आहे. मात्र या घटनेनं परिसरात मोठी खळबळ उडाली आहे.
Beed Crime : शाळकरी मुलीसोबत पन्नास वर्षाच्या नराधमाने दुकानात बोलाऊन केला दोन वेळा अत्याचार, पोस्को अंतर्गत गुन्हा दाखल
बीडच्या परळी तालुक्यातील एका गावात अल्पवयीन मुलीसोबत एका 50 वर्षीय नराधमाने दोनवेळा अत्याचार केल्याची घटना समोर आल्याने परिसरात एकच खळबळ उडाली आहे.पीडित मुलगी ही 10 वर्षांची असून ती 5 वी वर्गात शिक्षण घेते.गावातील एका किराणा दुकानदाराने त्याच्या दुकानात बोलाऊन घेत तिच्यासोबत लैंगिक अत्याचार केला.इतकच नाही तर असाच प्रकार दोन महिन्यापूर्वी देखील करण्यात आला आणि त्या नंतर त्या नराधमाने त्या अल्पवयीन मुलीला जीवे मारण्याची धमकी दिली.याच कारणामुळे या नराधमाने पुन्हा दोन महिन्यानंतर पीडितेवर अत्याचार केला.यानंतर परळी येथील ग्रामीण पोलीस ठाण्यात आरोपी बालाजी पांचाळ याच्या विरोधात परळी ग्रामीण पोलीस ठाण्यात पोस्को अंतर्गत गुन्हा दाखल करण्यात आला आहे.परिसरातील नागरिकांनी नराधमाला ताब्यात घेत पोलिसांच्या हवाली केले. या प्रकरणाचा अधिक तपास पोलीस करत आहेत.
इतर महत्वाच्या बातम्या
