कर्नाटक पोलिसांकडून महाराष्ट्र पोलीस महासंचालकांकडे हा एफआयआर पाठविण्यात आल्याची माहिती रोहित पवार यांनी दिली. आता त्यानुसार महाराष्ट्रात गुन्हा दाखल होऊन त्यानुसार तपास होणार का, असा प्रश्नही रोहित पवारांनी मीडियाशी बोलताना उपस्थित केला. कर्नाटकातील पोलीस प्रशासन अजितदादांना न्याय देण्यासाठी सरसावत आहे. पण महाराष्ट्रातील पोलीस न्याय देऊ शकत नाहीत, असे रोहित पवार म्हणाले.

कर्नाटक पोलिसांना गुन्हा दाखल करण्यासाठी 66 पानांची कागदपत्रे दिले आहेत. महाराष्ट्रात गुन्हा दाखल होत नसल्याने कर्नाटकात जावे लागल्याचे रोहित पवारांनी सांगितले. झिरो एफआयआरमध्ये आरोपी म्हणून वैयक्तिक कुणाचेही नाव घेण्यात आलेला नाही. सर्व संबंधित व्यक्ती असे त्यामध्ये म्हटले आहे.

झिरो एफआयआरमध्ये म्हटले आहे की, तक्रारदार रोहित पवार हे यापूर्वी मरीन ड्राईव्ह आणि बारामती पोलीस स्टेशनमध्ये गुन्हा दाखल करण्यासाठी गेले होते. सीआयडीकडून केवळ अपघाती मृत्यू अहवालाच्य अँगलने तपास केला जात असल्याने या प्रकरणाचा स्वतंत्रपणे क्रिमिनल तपास व्हावा, यासाठी ही तक्रार दाखल करण्यात आली. ही घटना म्हणजे गुन्हेगारी षडयंत्र असल्याचा आरोपही तक्रारीत करण्यात आला आहे.