नाशिकचा भोंदू बाबा अशोक खरात याचे एका मागून एक कारनामे पुढे येत आहेत. अनेक महिलांचे या बाबाने लैगिंक शोषण केले. एसआयटीकडून महिलांकरिता एक हेल्पलाईन नंबर जारी करण्यात आला. त्या नंबरवरूनही महिला तक्रारी देऊ शकतात. मोठ्या संख्येने महिला या नंबरवर फोन करून भोंदू बाबाने केलेल्या छळाचा पाडा वाचत आहेत. पण प्रत्यक्षात पुढे येऊन तक्रार देण्यास मनाई करत आहेत. 10 पेक्षा अधिक गुन्हे आतापर्यंत अशोक खरात याच्यावर दाखल करण्यात आली. खूप जास्त मोठे प्रकरण हे आहे. पण समाजाच्या भितीने महिला पुढे येत नाहीत. यादरम्यान अशोक खरात याचे काही धक्कादायक व्हिडीओ देखील पुढे आली. व्हायरल व्हिडीओने खळबळ उडाली. अशोक खरात याचे व्हिडीओ शेअर करणाऱ्यांवरही पोलिसांकडून गुन्हे दाखल केले जात आहेत. अशोक खरात याच्या बड्या राजकारणी लोकांसोबत जवळचे संबंध होते. महिला आयोगाच्या माजी अध्यक्ष रूपाली चाकणकर थेट अशोक खरात याचे पाय धुताना दिसल्या.

हजारोंच्या घरात या भोंदू बाबाने महिलांवर अत्याचार केले, लैगिंग शोषण केले. पण महिला या बाबाच्या जाळ्यात नक्की कशा अडकत याबद्दल मोठी माहिती पुढे आली. भोंदू अशोक खरात महिलांना गोड गोड बोलत… महिला घरगुती समस्या घेऊन बाबांकडे जात. बरोबरच त्यांची दुखती नस ओळखून हा भोंदू फायदा घेत आणि त्यांना विश्वासात घेत.

तू खूप जास्त सुंदर आहेस.. पण तुझा पती तुला समजून घेत नाही त्याला तुझी कदर नाही असे म्हणत तो महिलांच्या जवळ जात. त्यानंतर तो महिलांना विविध गोष्टी आणि उपाय सांगून आपल्या प्रेमाच्या जाळ्यात ओढत. भोंदूच्या गोड बोलण्यात महिला फसत. आज भोंदू खरातला कोर्टात हजर केले जाणार आहे.

एसआयटीकडून भोंदू खरातची सतत चाैकशी केली जात आहे. तपास वेगाने सुरू आहे. यादरम्यान महिला आयोगाच्या माजी अध्यक्षा रूपाली चाकणकर यांच्यावर गुन्हा दाखल करण्याची मागणी सातत्याने केली जात आहे. रूपाली ठोंबरे पाटील यांनी रूपाली चाकणकर यांच्यावर अत्यंत गंभीर आरोप केले आहेत.