नाशिक येथील भोंदूबाबा अशोक खरात प्रकरणात दिवसेंदिवस वेगवेगळे खुलासे होताना दिसत आहेत. आता या प्रकरणी धक्कादायक माहिती समोर आली आहे. काँग्रेसचे ज्येष्ठ नेते विजय वडेट्टीवार यांनी प्रतिक्रिया देत मोठी माहिती दिली आहे. त्यांनी या प्रकरणातील तपास यंत्रणेवर गंभीर प्रश्न उपस्थित करताना, खरातसोबत संबंधित असलेल्या उच्चपदस्थ अधिकाऱ्यांनाही जबाबदार धरले आहे. तसेच त्यांनी अशोक खरात मुली पण पूरवत होता असे देखील म्हटले आहे.

काय म्हणाले वडेट्टीवार?

भोंदूगिरीला पाठींबा आल्याचे काम अधिकार्‍यांनीच केले. अशोक खरात सोबत जवळपास 1000 व्हिडीओ आहेत. या सर्व प्रकरणाचे खुलासे झाले पाहिजेत. खरात आता तर मुली पण पूर्वीत होता. खरातवर ज्यावेळी गुन्हा दाखल होत होता. दोन आय ए एस व एक आयपीएस असे अधिकारी एक हॉटेलमध्ये खरात सोबत बसले होते. अशोक खरातच्या नारको टेस्ट झाल्या पाहिजेत अशी मागणी काँग्रेसचे ज्येष्ठ नेते विजय वडेट्टीवार यांनी केली.

अशोक खरात प्रकरणाबाबत

भोंदूबाबा अशोक खरात प्रकरणाने संपूर्ण राज्यात खळबळ माजली आहे. अनेक महिलांवर लैंगिक अत्याचार करुन बलात्कार केल्याचा गुन्हा खरातवर दाखल करण्यात आला. तसेच त्याचे अनेक महिलांसोबतचे व्हिडीओ देखील व्हायरल झाले. अशोक खरातने माझ्याकडे दैवी शक्ती आहे असे म्हणत अनेकांना लुबाडले. त्याचे राजकीय कनेक्शन देखील समोर आले. अशोक खरातचे काळे कारनामे समोर आले आहेत.

1 एप्रिलपर्यंत पोलीस कोठडी

काल अशोक खरातची पोलीस कोठडी संपल्यानंतर त्याला न्यायालयात हजर करण्यात आले. त्यानंतर न्यायलाने त्याची पोलीस कोठडी 4 दिवसांनी वाढवण्यात आली. आता 1 एप्रिलपर्यंत पोलीस कोठडी वाढवण्यात आली आहे. आता नवी माहिती काय समोर येणार याकडे सर्वांचे लक्ष लागेल आहे.