நடிகர் கமல்ஹாசனின் மூத்த மகள் ஸ்ருதிஹாசன். இசையில் ஆர்வம் கொண்டவர்.. லண்டனில் சென்று மேற்கத்திய இசை பயின்றவர். உன்னைபோல் ஒருவன் உள்ளிட்ட சில படங்களுக்கு இசையும் அமைத்திருக்கிறார். நிறைய படங்களில் பாடல்களை பாடியிருக்கிறார். முருகதாஸ் இயக்கத்தில் சூர்யா நடித்த ஏழாம் அறிவு திரைப்படம் மூலம் இவர் சினிமாவில் நடிக்க தொடங்கினார். அதன்பின் தொடர்ந்து தமிழ் மற்றும் தெலுங்கு படங்களில் நடித்தார் ஸ்ருதிஹாசன். ஆனால் கடந்த பல வருடங்களாகவே சினிமாவில் நடிப்பது ஸ்ருதிஹாசன் நிறுத்திவிட்டார்..
ஒருபக்கம் தனது வாழ்வில் பல காதல்களை கடந்து வந்திருக்கிறார் ஸ்ருதிஹாசன். நடிகர் சித்தார்த்தோடு இவர் கிசுகிசுக்கப்பட்டார். அதன் பின் லண்டனை சேர்ந்த பாடகர் மைக்கேல் கோர்சேல் என்பவரை காதலித்தார்.. சில வருடங்களில் அது பிரேக் அப் ஆனது. அதன்பின் மும்பையில் வசித்து வரும் சாந்தனு ஹசாரிக்கா என்கிற ஓவியரை காதலித்தார்.. இருவரும் லிவிங் டூ கெதரில் சில வருடங்கள் இருந்தார்கள்.. காதலுடன் இருக்கும் பல புகைப்படங்களை தன் இன்ஸ்டாகிராம் பக்கத்தில் பகிர்ந்து வந்தார் ஸ்ருதி.
இந்நிலையில்தான் ஊடகம் ஒன்றில் பேசிய ஸ்ருதிஹாசன் ‘நான் இதுவரை ஆறு முறை ஆழமாக காதலித்திருக்கிறேன்.. ஆனால் ஆறு முறை காதலும் கதைகளாக அல்லாமல் காயங்களாகவே முடிந்தது.. ஒவ்வொரு பிரிவும் என்னை வேறுபட்டவளாக மாற்றியது.. இப்போது அமைதியை தேர்வு செய்கிறேன்.. இப்போதைக்கு தனியாக இருக்க தீர்மானித்திருக்கிறேன்’ என சொல்லியிருக்கிறார்.
