Sonakshi Sinha Pregnancy Rumours: बॉलिवूड अॅक्ट्रेस सोनाक्षी सिन्हा (Sonakshi Sinha) बऱ्याचदा प्रोफेशनलसह वैयक्तिक कारणांमुळे चर्चेत असते. अभिनेत्री सोशल मीडियातही (Social Media Rumours) सक्रीय असते. अभिनेत्रीचे आपल्या पतीसोबतचे फोटो आणि व्हिडीओ सोशल मीडियात व्हायरल होत असतात. अलिकडेच अभिनेत्री प्रेग्नेंट आहे, अशी सोशल मीडियात प्रचंड प्रमाणात चर्चा रंगली होती. तिनं अनेकदा अफवा असल्याचं म्हणत गरोदरपणाच्या बातम्यांना फेटाळून लावलं. अशातच सोनाक्षी सिन्हाची आई पूनम सिन्हा यांनी लेकीच्या प्रेग्नेंसीच्या बातम्यांवर आपली प्रतिक्रिया दिली आहे. 'माध्यमांनी मला कित्येकदा आजी बनवले आहे, माहित नाही ', असं पूनम सिन्हा म्हणाले. 'एक दिवस आनंदाची बातमी मिळेल आणि तो दिवस सर्वात मोठा असेल', असंही पूनम म्हणाले.
एका मुलाखतीत अभिनेत्रीच्या आई पूनम सिन्हा म्हणाले, 'माध्यमांनी मला कितीवेळा आजी बनवली माहित नाही. पण निदान तो आनंद तरी मला मिळाला आहे. मला हा आनंद नक्कीच एक दिवस मिळेल', असं पूनम सिन्हा म्हणाले. यावेळी त्यांनी आपली मुलगी सोनाक्षीच्या बालपणीच्या आठवणींना उजाळा दिला, 'आमच्या आयुष्यात तो क्षण सर्वात आनंदाच्या क्षणांपैकी एक होता, जेव्हा सोनाक्षीने घरात पहिले पाऊल ठेवले होते. मला असं वाटतं मुलींशिवाय आयुष्याला काहीच अर्थ नाही. मुली असणं खूप महत्त्वाचं आहे', असंही त्यांनी सांगितलं.
गेल्या वर्षी सोनाक्षी सिन्हा पती झहीर इक्बालसोबत एका हाय प्रोफाइल दिवाळी पार्टीमध्ये गेली होती. सोनाक्षीने या खास पार्टीत सुंदर आणि पारंपारिक पोशाख परिधान केला होता. अनेकांना असा अंदाज लावला की, अभिनेत्री प्रेग्नेंट आहे. झकीर आणि सोनाक्षीचा एक व्हिडीओही व्हायरल झाला होता, या व्हिडीओत झहीर इक्बाल सोनाक्षीच्या पोटाला हात लावतो. यानंतर सोनाक्षी चिडते. तेव्हापासून अभिनेत्री गरोदर आहे का? असा प्रश्न नेटकऱ्यांकडून उपस्थित केला जात आहे.
View this post on Instagram
प्रेग्नेंसीच्या अफवांवर अभिनेत्रीनं इन्स्टाग्रामवर एक पोस्ट लिहिली आहे, 'फक्त पोटाच्या खालच्या भागावर हात ठेवून पोझ दिल्यामुळे, मी मानवी इतिहासातील सर्वात प्रदीर्घ गर्भधारणेचा जागतिक विक्रम धारक ठरत आहे. जेव्हा आनंदाची बातमी असेल, तेव्हा मी नक्कीच शेअर करेन', असं अभिनेत्रीनं स्पष्ट केलं. सोनाक्षी आणि झहीर यांनी 23 जून 2024 साली कायद्यानुसार विवाह केला होता. लग्नानंतर या जोडप्याने भव्य पार्टीचे आयोजन केले होते. अभिनेत्री झहीरसोबत आपली मॅरिड लाइफ एन्जॉय करत आहे.
महत्त्वाच्या इतर बातम्या:
