या मुलाच्या वडिलांना न्याय मिळवून देण्यासाठी कर्नाटक सरकारने त्यांच्या राज्यात FIR नोंद करून घेतला, तिथे सरकार काँग्रेस पक्षाचे आहे, काँग्रेस पक्षाचेच बारामती विधानसभा पोटनिवडणूकीतील अधिकृत उमेदवार त्या संशयास्पद अपघाताचा महाराष्ट्रात गुन्हा नोंद करा, निवडणूकीतून माघार घेईल, अशी मागणी करत आहेत. यावरही या कृतघ्न मुलाने बोलायला हवे ? असे महाराष्ट्र काँग्रेसने म्हटले आहे.

माझे कुणाशी बोलणे झाले नाही. काँग्रेसला त्यांना कळायला पाहिजे काय करायचे ते त्यांच्या राष्ट्रीय काँग्रेसच्या नेतृत्वाबाबत मला नाही माहिती. सगळे मोठे लोक आहेत, सर्वांना माहिती आहे काय चाललेय. त्यांनी विचार केला असेल तर करूद्या. पण त्यांना नंतर काय त्रास होईल महाराष्ट्रात हे त्यांना दिसेल, अशा शब्दात पार्थ पवार यांनी काँग्रेसच्या उमेदवारीबाबत थेट इशाराच दिलाय.

लोक विसरत नाहीत. जे दादांचे प्रेम आहे लोकांच्या मनात अशावेळी एवढ्या समजदार पक्षाने हा निर्णय घेणे, जिथे एवढे मोठे नेते आहेत, अतिशय चुकीचे आहे. मला वाटते की आपण कोणाला थांबवू शकत नाही. जशी वेळ येते तसे समोर जावे लागते. आम्ही सामोरे जाऊ, आम्ही काही कुणाला फोन करणार नाही, जे काही नशिबात लिहिले आहे ते बघू काय व्हायचेय ते, फक्त मला वाईट वाटतेय की कॉँग्रेसचा महाराष्ट्रात डाऊनफॉल आहे असेही पार्थ पवार यांनी म्हटले होते.