Sanjiv Goenka reaction after Mukul Choudhary match winning innings : लखनौ सुपर जायंट्सचा सामना अन् मालक संजीव गोएंका यांची चर्चा होणार नाही, असे कसे जमेल... संघातील प्रत्येक कामगिरीसाठी ते किती भावनिक असतात, हे इंडियन प्रीमिअर लीग मधील LSG च्या सामन्यात पाहायला मिळतेच.. दोन वर्षांपूर्वी लोकेश राहुल LSG चा कर्णधार असताना पराभवानंतर त्यांचा राग सर्वांना पाहिला होता. त्यांच्यावर बरीच टीकाही झाली होती.

जास्त मागे कशाला जायचं, LSG चा याच पर्वातील पराभवाचा सामना आठवा, तेव्हाही ते सामना संपल्यानंतर कर्णधार रिषभ पंतसोबत चर्चा करताना दिसले. तेव्हाही नेटकऱ्यांनी KL Rahul चे प्रकरण उगळुन काढताना गोएंका यांच्यावर ताशेरे ओढले.. आजही जेव्हा लखनौने रोमहर्षक विजय मिळवला, तेव्हा गोएंका मैदानावर आले आणि त्याने मॅच विनर मुकुलची भेट घेतली.. सध्या हा व्हिडीओ गाजतोय..

अजिंक्य रहाणे ( ४१), अंगकृश रघुवंशी ( ४५), कॅमेरून ग्रीन( ३२) व रोव्हमन पॉवेल ( ३९) यांच्या फटकेबाजीने कोलकाताने १८१ धावांपर्यंत मजल मारली. लक्ष्याचा पाठलाग करणाऱ्या लखनौला आयुष बदोनीने ( ५४) सावरले, परंतु त्याची विकेट पडली अन् कोलकाताला विजयाचे स्वप्न पडू लागले. अशा वेळी २१ वर्षीय पॉवर हिटल मुकुल मैदानावर उभा राहिला आणि त्याने २७ चेंडूंत २ चौकार व ७ षटकारांचा पाऊस पाहून शेवटच्या चेंडूवर संघाला विजय मिळवून दिला. नाबाद ५४ धावा करणाऱ्या मुकुलला सामनावीर म्हणून गौरविण्यात आले.