महसूल गुप्तचर संचालनालयाने (डीआरआय) मुंबईच्या छत्रपती शिवाजी महाराज आंतरराष्ट्रीय विमानतळावर सोन्याच्या तस्करीच्या एका मोठ्या रॅकेटचा पर्दाफाश करत २४ महिलांना अटक केली आहे. अधिकाऱ्यांच्या माहितीनुसार, त्यांच्याकडून २९.३७ किलोग्रॅम सोने जप्त करण्यात आले असून, त्याची अंदाजे किंमत ३७.७४ कोटी रुपये आहे. अधिकाऱ्याने सांगितले की, गुप्त माहितीच्या आधारे डीआरआयच्या मुंबई विभागीय युनिटने बुधवारी 'ऑपरेशन धाबू ब्लिट्झ' सुरू केले. यावर्षी मुंबई विमानतळावर राबवण्यात आलेल्या सर्वात मोठ्या कारवायांपैकी ही एक मानली जात आहे.

ALSO READ: १३ वर्षांनंतर नागपूर काँग्रेसमध्ये मोठा बदल होणार; नव्या अध्यक्षांच्या निवडणुकीला आजपासून सुरुवात

अधिकाऱ्यांनी सांगितले, "केनियातील नैरोबीहून येणाऱ्या काही महिला आपल्यासोबत सोने लपवत असल्याची माहिती डीआरआयला मिळाली होती. यानंतर, नैरोबीहून मुंबईत आलेल्या २४ परदेशी महिलांना अडवण्यात आले. त्यांच्या झडतीदरम्यान, त्यांच्या बॅगा आणि कपड्यांमधून २५.१० किलो सोन्याच्या विटा आणि ४.२७ किलो सोन्याचे दागिने जप्त करण्यात आले.

तपासात असे उघड झाले की, या महिलांना सोने लपवण्याचे आणि सुरक्षा तपासणी चुकवण्याचे विशेष प्रशिक्षण देण्यात आले होते. यावरून एका सुसंघटित तस्करी टोळीचा सुळसुळाट झाल्याचे दिसून येते, जी अशा साधनांचा वापर करून विमानतळावरील सुरक्षा यंत्रणा चुकवण्याचा प्रयत्न करत होती. अधिकाऱ्याने सांगितले की, अटक केलेल्या महिलांना न्यायालयात हजर केले जाईल, तर या तस्करी टोळीच्या सूत्रधारांना पकडण्यासाठी पुढील तपास सुरू आहे."

ALSO READ: मुंबई विमानतळाच्या टर्मिनल १ मध्ये भीषण आग, प्रवाशांमध्ये घबराट

Edited By- Dhanashri Naik

ALSO READ: प्रमाणपत्रासाठी लाच मागणे महागात पडले, एसीबीची कारवाई; मुख्याध्यापिकेला अटक