अनेक चित्रपटप्रेमी आजकाल ओटीटी प्लॅटफॉर्मवर कुटुंबासोबत चित्रपट पाहण्यास पसंती देत आहेत. मात्र काही चित्रपट असे असतात, जे कुटुंबासोबत पाहताना थोडे अस्वस्थ वाटू शकते. यामध्ये जेव्हा ते वैवाहिक नातेसंबंध, स्त्री-पुरुष समानता आणि घरगुती विषयांवर भाष्य करतात.

आज आम्ही देखील तुम्हाला अशा तीन चित्रपटांबद्दल सांगणार आहोत, जे सध्या ओटीटीवर उपल्बध असून ते चित्रपट तुम्ही फक्त एकट्याने पाहू शकता. हे चित्रपट तुम्ही पत्नीसोबत पाहू नका.

Thappad हा चित्रपट एका आनंदी विवाहित महिलेची कथा सांगतो. पण एका पार्टीदरम्यान तिचा नवरा तिला सगळ्यांसमोर थप्पड मारतो आणि तिचं आयुष्य बदलून जातं. या चित्रपटाला IMDb रेटिंग देखील खूप जबरदस्त आहे.

The Great Indian Kitchen या चित्रपटात एका नवविवाहित महिलेचं आयुष्य दाखवलं आहे, जी लग्नानंतर स्वयंपाकघरातच अडकून पडते. ती सासरच्या अपेक्षांनुसार स्वतःला बदलण्याचा प्रयत्न करते, पण हळूहळू तिच्या संघर्षाची जाणीव प्रेक्षकांना होते. घरगुती जबाबदाऱ्या आणि स्त्रीची ओळख यावर हा चित्रपट भाष्य करतो.

Mrs हा चित्रपट एका डान्स टीचरची कथा सांगतो, जिने लग्नानंतर स्वतःची ओळख गमावली आहे. सासरच्या घरात तिच्या कामाची कदर होत नाही. अखेर ती स्वतःचं आयुष्य बदलण्याचा निर्णय घेते. हा चित्रपट स्त्रीच्या स्वातंत्र्य आणि आत्मसन्मानाचा मुद्दा उचलतो.