5 कंपन्यांचा लॉक-इन संपला, 1.15 लाख कोटी रुपयांचे शेअर्स ट्रेडिंगसाठी उपलब्ध, दिसेल मोठी हालचाल
ET Marathi April 13, 2026 06:45 PM
मुंबई : शेअर बाजारात पाच कंपन्यांचा शेअरहोल्डर लॉक-इन सोमवार १३ एप्रिल रोजी संपला आहे. यामुळे लाखो शेअर्स ट्रेडिंगसाठी उपलब्ध झाले आहेत. या शेअर्समध्ये मोठी हालचाल दिसू शकते. त्यामुळे गुंतवणूकदारांना या शेअर्समध्ये कमाईची संधी मिळू शकते. या सर्व शेअर्सचे एकूण मूल्य १.१५ लाख कोटी रुपये आहे.
लॉक-इन संपण्याचा अर्थ असा नाही की शेअर्स खुल्या बाजारात लगेच विकले जातील. याचा अर्थ फक्त एवढाच आहे की हे शेअर्स आता ट्रेडिंगसाठी उपलब्ध होतील.
Bajaj Housing Finance
कंपनीचे २५% शेअर्स सोमवारी ट्रेडिंगसाठी मोकळे झाले आहेत. यामुळे एकूण २१० कोटी ट्रेडिंगसाठी पात्र ठरले आहेत. या शेअर्सचे मूल्य १७,९७६ कोटी रुपये आहे.
WeWork India
या कंपनीचा ६ महिन्यांचा लॉक-इन कालावधी संपला आहे. नुवामा अल्टरनेटिव्ह अँड क्वांटिटेटिव्ह रिसर्चनुसार, यानंतर ५.९९ कोटी किंवा कंपनीच्या एकूण इक्विटीच्या ४५% शेअर्स ट्रेडिंगसाठी उपलब्ध होतील. मुक्त झालेल्या शेअर्सचे मूल्य २,८१४ कोटी रुपये आहे.
Tata Capital
टाटा कॅपिटल शेअर्सचा सहा महिन्यांचा लॉक-इन कालावधी संपला आहे. कंपनीचे २८५.८ कोटी शेअर्स आता ट्रेडिंगसाठी उपलब्ध झाले आहेत. हे कंपनीच्या एकूण इक्विटीच्या ६७% आहे. या शेअर्सचे एकूण मूल्य ९३,७०० कोटींहून अधिक आहे.
BMW Ventures
लॉक-इन कालावधी संपल्यानंतर बीएमडब्ल्यू व्हेंचर्सचे ४.५८ कोटी शेअर्स ट्रेडिंगसाठी उपलब्ध हेत.कंपनीच्या एकूण इक्विटीच्या ५३% शेअर्स ट्रेडिंगसाठी मुक्त झाले आहेत. मुक्त झालेल्या शेअर्सचे एकूण मूल्य २६५ कोटी रुपये आहे.
Advanced Agrolife
लॉक-इन कालावधी संपल्यानंतर कंपनीच्या एकूण इक्विटीच्या ५०% किंवा ३.२१ कोटी शेअर्स ट्रेडिंगसाठी उपलब्ध होतील. या शेअर्सचे मूल्य ३४३ कोटी रुपये आहे.
