आपल्यापैकी बऱ्याच लोकांना गाडीने प्रवास करायच म्हटलं की काहीस टेन्शन येतं. गाडीत किंवा बसमध्ये बसल्यावर थोडा वेळ झाला की मळमळ, उलटी होण्याच्या समस्या सुरू होतात. लांबचा प्रवास असो वा एखाद्या छोट्या अंतराचा या समस्येमुळे फिरण्याची मज्जा आनंद पुर्णपणे निघून जातो. हे सामान्यतः ‘मोशन सिकनेस’ म्हणून ओळखली जाते, शरीर आणि मन यांच्यातील संतुलन बिघडल्यामुळे ही समस्या काहींना उद्भवते. या समस्येवर उपाय म्हणून बरेच लोकं औषधोपचाराचा आधार घेतात. मात्र वारंवार औषधे घेणे हा प्रत्येकासाठी योग्य पर्याय नाही.

पण तुम्हाला काही सोपे आणि नैसर्गिक उपाय या समस्येपासून लक्षणीय आराम देऊ शकतात. जर तुम्हाला ही समस्या जाणवत असेल तर काही सुरक्षित आणि नैसर्गिक उपाय आपण आजच्या लेखात जाणून घेणार आहोत जे तुम्हाला प्रवासातील मळमळीवर मात करण्यास मदत करू शकतात.

अदरकचे सेवन

प्रवासात तुम्हाला मळमळ किंवा उलट्यांचा त्रास होत असल्यास, अदरकच्या सेवनाने आराम मिळू शकतो. त्यातील मळमळ कमी करणारे गुणधर्म पोटाला शांत करतात आणि उलट्या होण्याची शक्यता कमी करतात. तुम्ही प्रवासापूर्वी किंवा प्रवासा दरम्यान आल्याचा एक छोटा तुकडा चावू शकता किंवा आल्याचा चहा पिऊ शकता. तुम्हाला नक्कीच आराम मिळेल.

लिंबू देखील आहे प्रभावी

उलटी थांबवण्यासाठी लिंबू देखील प्रभावी आहे. कारण लिंबूमध्ये ताजेतवाने करणारा सुगंध आणि आंबटपणा मळमळ त्वरित कमी करण्यास मदत करतात. प्रवास करताना आपल्यासोबत एक लिंबू ठेवा आणि जेव्हाही मळमळ जाणवेल, तेव्हा लिबांच रसाचा वास घ्या किंवा हलकेच एक दोन थेंब प्या. हा एक अत्यंत प्रभावी उपाय आहे.

पुदिन्याचाही प्रभाव दिसून येईल

पुदिना पोटाला आराम देतो आणि गॅस व उलट्यांपासून आराम मिळतो. प्रवासात तुम्ही पुदिन्याची पाने चावू शकता किंवा पुदिन्याचे पाणी पिऊ शकता. त्यांचा सुगंध मनालाही शांत करतो, ज्यामुळे मळमळ होत नाही.

लवंगांचे सेवन

लवंगामध्ये जंतुनाशक आणि मळमळ कमी करणारे गुणधर्म असतात, जे प्रवासात आराम देऊ शकतात. तुम्ही 1 किंवा 2 पानांचे सेवन करा. यामुळे उलट्या थांबण्यास आणि तोंडाची चव सुधारण्यास मदत होईल. तुम्ही हा उपाय देखील करून पाहू शकता.

वेलचीचे सेवन करा

तुम्ही प्रवासापूर्वी किंवा प्रवासा दरम्यान वेलचीचे सेवन करू शकता. वेलची पचनक्रियेस मदत करते आणि मळमळ कमी करते. प्रवासा दरम्यान एक किंवा दोन वेलची सेवन केल्याने तुम्हाला ताजेतवाने वाटण्यास आणि उलट्या होण्याचा त्रास कमी होण्यास मदत होऊ शकते.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)